രാജാക്കാട് : വീട്ടില്‍ ആയുധം ശേഖരിച്ച കഞ്ചാവ വില്‍പ്പനക്കാരനായ രാജാക്കാട് രുഗ്മിണി നിവാസില്‍ അഭിജിത് (21)ന്റെ സഹായികളായ രണ്ട് പേര്‍ പോലീസ് പിടിയിലായി. സഹായികളായ രാജകുമാരി സ്വദേശി നോബിള്‍ (21), കടുക്കാസിറ്റി സ്വദേശി നിശാന്ത് (21) എന്നിവരെയാണ് രാജാക്കാട് എസ്.ഐ ഷാജിയും സംഘവും പിടികൂടിയത്. കഴിഞ്ഞ ഞായറാഴ്ചയാണ് കഞ്ചാവ് കച്ചവടത്തിന്റെ ഇടനിലക്കാരനെന്ന് വിവരം കിട്ടിയതിനെത്തുടര്‍ന്ന് അഭിജിത്തിനെ പോലീസ് പിടികൂടുന്നത്. ഇയാളുടെ വീട് പരിശോധിച്ചപ്പോള്‍ മൂന്ന് വടിവാളുകളും ബൈക്കിന്റെ സയലന്‍സറും കിട്ടിയിരുന്നു. മോഷ്ടിച്ച് വിറ്റ ബൈക്കിന്റേതാണ് സയലന്‍സറെന്ന് മൊഴി ലഭിച്ചതോടെ ഇയാള്‍ക്കെതിരെ മോഷണക്കുറ്റം ചുമത്തിയും കേസെടുത്തു. തുടരന്വേഷണത്തില്‍ കൂട്ടുപ്രതികളെ പിടികൂടുകയായിരുന്നു. എറണാകുളം സ്വദേശിയായ അജിയെന്നയാളാണ് മൂവര്‍ സംഘത്തിന് ബൈക്ക് മോഷ്ടിച്ച് നല്‍കിയതെന്നാണ് പുതിയ വിവരം. ഇയാള്‍ക്കായി അന്വേഷണം ഊര്‍ജ്ജിതമാക്കിയിരിക്കുകയാണ്. പ്രതികള്‍ പൊളിച്ച് വിറ്റ ബൈക്കിന്റെ എഞ്ചിനും മറ്റ് സ്‌പെയര്‍ പാര്‍ട്‌സുകളും രാജാക്കാട്, രാജകുമാരി എന്നിവിടങ്ങളില്‍ നിന്നും പോലീസ് കണ്ടെടുത്തു.
Thursday, November 21, 2024
ആയുധശേഖരം : രണ്ട് പ്രതികള്‍ പിടിയില്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: