വെള്ളൂര്: നിലവിലുള്ള കുരിശുമല വാട്ടര് ടാങ്ക് ഉപയോഗിച്ച് മാത്രം എല്ലാ ഭാഗങ്ങളിലും കുടിവെള്ളം എത്തിക്കാന് കഴിയാത്തതിനാല് കലാമുഗളം വാട്ടര് ടാങ്ക് ഏറ്റെടുക്കണമെന്നും ആയതിലേയ്ക്കുള്ള വള്ളിപ്പടവ് കലാമുഗളം പമ്പിംഗ് മെയിന് സ്ഥാപിക്കുന്നതിനുള്ള നടപടി സ്വീകരിക്കണമെന്നും ഇതിനുള്ള ഫണ്ട് അനുവദിച്ചുനല്കണമെന്നും വെള്ളൂര് വെളിയന്നൂര് കുടിവെള്ള സംരക്ഷണ സമിതി ആവശ്യപ്പെട്ടു. വെളിയന്നൂര് കുടിവെള്ള പദ്ധതിയുടെ ഡിസ്ട്രിബ്യൂഷന് ലൈന് സ്ഥാപിക്കാന് 400 ലക്ഷം രൂപയുടെ ടെണ്ടര് നടപടി സ്വീകരിച്ചു. ഉഴവൂര് – വെളിയന്നൂര് പഞ്ചായത്തുകളില് 10,874 അപേക്ഷകരുള്ളതില് 2,100 ല് അധികം അപേക്ഷകരുള്ള ഉഴവൂര് ഈസ്റ്റ് ഭാഗങ്ങളില് ടെണ്ടറില് ഉള്പ്പെടാത്ത ഭാഗങ്ങളിലെ ഡിസ്ട്രിബ്യൂഷന് ലൈന് സ്ഥാപിക്കാനുള്ള നടപടി ഉടന് സ്വീകരിക്കണം.
ഉഴവൂര്, വെളിയന്നൂര്, രാമപുരം, മരങ്ങാട്ടുപള്ളി പഞ്ചായത്തുകളുടെ സൗകര്യാര്ത്ഥം ഉഴവൂരില് കേരളാ വാട്ടര് അതോറിട്ടിയുടെ സെക്ഷന് ഓഫീസ് സ്ഥാപിക്കണമെന്ന് യോഗം ആവശ്യപ്പെട്ടു. ഈ ആവശ്യം ഉന്നയിച്ച് എംഎല്എയ്ക്കും മന്ത്രി പി.ജെ. ജോസഫിനും നിവേദനം നല്കുന്നതിനും യോഗം തീരുമാനിച്ചു.
യോഗത്തില് രാജു ഇരുമ്പുകുത്തിക്കല് അദ്ധ്യക്ഷത വഹിച്ചു ഇ.എന്. മുരളീധരന് നായര്, സ്റ്റീഫന് തൊട്ടിയില്, മോഹന് ആലക്കുളത്തില്, സിറിയക് ചെറുകുന്നത്ത്, ബാബു കണിയാംപതിയില്, ഗോപാലകൃഷ്ണന് മുണ്ടേനാനി, ജോസ് മാത്യു, ജോമി കാവുംപുറത്ത്, ടോമി, രാജേഷ് തെരുവ മല, ബൈജു കുഴിമറ്റത്തില്, മാത്യു കെ.എ. തുടങ്ങിയവര് പ്രസംഗിച്ചു.
