മദര്‍തെരേസാ ട്രോഫി ജലോത്സവത്തില്‍ ജവഹര്‍ തായങ്കരി ചുണ്ടന്‍ ഒന്നാമതായി ഫിനിഷ് ചെയ്യുന്നു
മാവേലിക്കര: മദര്‍തെരേസാ ട്രോഫി ജലോത്സവത്തില്‍ ജവഹര്‍ തായങ്കരി ഒന്നാമതെത്തി. ഫൈനലില്‍ കരുവാറ്റ, കാര്‍ത്തികേയന്‍ ചുണ്ടന്‍വള്ളങ്ങളെ പിന്നിലാക്കിയാണ് ജവഹര്‍ തായങ്കരി കിരീടം നേടിയത്. ലൂസേഴ്‌സ് ഫൈനലില്‍ വെള്ളംകുളങ്ങര വലിയ ദിവാന്‍ജിയെ പരാജയപ്പെടുത്തി. ചുരുളന്‍ വിഭാഗത്തില്‍ ധര്‍മശാസ്താവാണ് ജേതാവ്. വെപ്പ് വള്ളങ്ങളുടെ ഫൈനല്‍ മത്സരത്തില്‍ പട്ടേരിപ്പുരയ്‌ക്കലിനെ പരാജയപ്പെടുത്തി അമ്പലക്കടവന്‍ ജേതാവായി.
ജലോത്സവം കൊടിക്കുന്നില്‍സുരേഷ് എംപി ഉദ്ഘാടനം ചെയ്തു. പി.സി. വിഷ്ണുനാഥ് എംഎല്‍എ അദ്ധ്യക്ഷത വഹിച്ചു. ആര്‍. രാജേഷ് എംഎല്‍എ മുഖ്യപ്രഭാഷണം നടത്തി. നഗരസഭാ ചെയര്‍മാന്‍ കെ.ആര്‍. മുരളീധരന്‍ മാസ്ഡ്രില്‍ ഉദ്ഘാടനം ചെയ്തു. അര്‍ജുനാ അവാര്‍ഡ് ജേതാവ് സജി തോമസിനെ ചടങ്ങില്‍ കൊടിക്കുന്നില്‍ സുരേഷ് എംപി പൊന്നാടയണിയിച്ച് ആദരിച്ചു.
പ്രതികരിക്കാൻ ഇവിടെ എഴുതുക: