ഏറ്റുമാനൂര്: പുന്നത്തുറ കക്കയം കിരാതമൂര്ത്തി ക്ഷേത്രത്തില് വേട്ടേക്കാരന്പാട്ടും പന്തീരായിരവും ഇന്നും നാളെയുമായി നടക്കും. രണ്ടുനാള് നീണ്ടുനില്ക്കുന്ന വേട്ടേക്കാരന് പാട്ടില് ആദിപുരുഷഭാവമായ പരമശിവന്റെ കിരാതരൂപമായ വേട്ടേക്കാരന് പതിനാറായിരം ഇളകിരിവില്ലി ചേകവരോടൊത്ത് എഴുന്നെള്ളും. ലോകത്തിന്റെ സകലദോഷങ്ങളും പന്തീരായിരം നാളികേരം ഉടച്ച് മനുഷ്യമനസിലെ അഹങ്കാരത്തെ ശമിപ്പിച്ച് ഭക്തര്ക്ക് നന്മചൊരിയുന്നു എന്നതാണ് ഇതിന്റെ സങ്കല്പം. ഇന്ന് രാവിലെ 5.30ന് ത്രികാല പരാശക്തി പൂജയോടെ ചടങ്ങുകള് ആരംഭിക്കും. 6ന് തന്ത്രി സൂര്യകാലടി പരമേശ്വരന് നമ്പൂതിരിയുടെ കാര്മ്മികത്വത്തില് സൂര്യകാലടി ഗണപതിഹോമം നടക്കും. തുടര്ന്ന് പന്തീരായിരം ദ്വാദശാക്ഷരീ പുഷ്പാഞ്ജലിയും 9ന് ഉമാമഹേശ്വര പൂജയും ദമ്പതീപൂജയും നടക്കും. വൈകിട്ട് 5.30ന് ഭഗവതിസേവ പന്തീരായിരം ജയദുര്ഗ്ഗാമന്ത്രപുഷ്പാഞ്ജലിയും 7.30ന് പ്രസാദവിതരണവും 8ന് മുല്ലയ്ക്കല് പാട്ടും തുടര്ന്ന് മേളത്തോടെ എഴുന്നെള്ളിപ്പും നടക്കും.
രണ്ടാം ദിവസമായ ശനിയാഴ്ച രാവിലെ 6ന് മള്ളിയൂര് പരമേശ്വരന് നമ്പൂതിരിയുടെ നേതൃത്വത്തില് മഹാഗണപതിഹോമം നടക്കും. വൈകിട്ട് 3ന് തൃത്താല ശങ്കരകൃഷ്ണ പൊതുവാള്, തൃത്താല ശ്രീനീവാസ പൊതുവാള് എന്നിവരുടെ നേതൃത്വത്തില് ഇരട്ടതായമ്പക നടക്കും. 6.30ന് സോപാനസംഗീതം, 7ന് മുല്ലയ്ക്കല്പാട്ട് തുടര്ന്ന് പെരുവനം കുട്ടന്മാരാരും സംഘ വും അവതരിപ്പിക്കുന്ന പാണ്ടിമേളം എന്നിവ നടക്കും. രാത്രി 11ന് പന്തീരായിരവും കല്പനയും പ്രസാദവിതരണവും നടക്കും. വേട്ടേക്കാരന് വെളിച്ചപ്പാട് ഇരണ്ടപ്പുറത്ത്കാട് മോഹനന് നമ്പൂതിരിയും കളംവരയ്ക്കല് മണികണ്ഠന് കാട്ടകാമ്പാലും സമ്പൂര്ണമാക്കും.
