കൊച്ചി: വര്‍ണശബളമായ അഞ്ചു സന്ധ്യകളുടെ ഓര്‍മകള്‍ ഇനി കൊച്ചിക്കാര്‍ക്കു സ്വന്തം. കഴിഞ്ഞ അഞ്ചു നാളുകളായി മറൈന്‍ഡ്രൈവ് ഗ്രൗണ്ടിലും ദര്‍ബാര്‍ ഹാള്‍ ഓപ്പണ്‍ എയര്‍ തിയേറ്ററിലും കലയുടെ കേളികൊട്ടുയര്‍ത്തിയ ‘ശ്രാവണം 2014’ -ന് വര്‍ണപ്പകിട്ടാര്‍ന്ന പരിസമാപ്തി. എറണാകുളം ജില്ലാ ഭരണകൂടവും ജില്ലാ ടൂറിസം പ്രൊമോഷന്‍ കൗണ്‍സിലും ചേര്‍ന്നൊരുക്കിയ ഓണാഘോഷ പരിപാടികളുടെ അവസാനദിനമായിരുന്ന ഇന്നലെ കൊച്ചിക്കാര്‍ക്ക് ശരിക്കും ഉത്സവരാവുതന്നെയായി.
മുഖ്യവേദിയായ മറൈന്‍ഡ്രൈവ് ഗ്രൗണ്ടില്‍ അക്ഷരാര്‍ഥത്തില്‍ സംഗീതപ്പെരുമഴ തന്നെ പെയ്തിറങ്ങി. ഓസ്‌കാര്‍ ജേതാവ് ഏ.ആര്‍ റഹ്മാന്റെ ട്രൂപ്പിലെ അംഗമായ സംഗീതസംവിധായകന്‍ അല്‍ഫോന്‍സ് ജോസഫിന്റെ നേതൃത്വത്തിലുള്ള അല്‍ഫോന്‍സ് ലൈവ് ഇന്‍ കണ്‍സേര്‍ട്ട് ‘എ പ്ലസ് ഫൈവ്’ ബാന്‍ഡ് പ്രേക്ഷകര്‍ക്ക് താളലയങ്ങളുടെ ഓണസമ്മാനമായി. വിഘ്‌നേശ്വരസ്തുതിയോടുകൂടി ആരംഭിച്ച് ജലോത്സവം എന്ന സിനിമയ്‌ക്കായി അല്‍ഫോന്‍സ് തന്നെ ഈണമിട്ട ‘കേരനിരകളാടും…’ എന്ന ഗാനത്തോടെയാണ് സംഗീതസന്ധ്യയ്‌ക്ക് തുടക്കമായത്. കര്‍ണാട്ടിക്, ഹിന്ദുസ്ഥാനി, വെസ്റ്റേണ്‍ ശൈലികള്‍ സംഗമിച്ച സംഗീതസന്ധ്യ ഏതുതരം ഗാനാസ്വാദകരെയും ആകര്‍ഷിക്കാന്‍ പാകത്തിലുള്ളതായിരുന്നു. നിറഞ്ഞുകവിഞ്ഞ സദസിന് താളത്തിന്റെയും ഈണത്തിന്റെയും സുഖമിശ്രണങ്ങള്‍ ആവേശം പകര്‍ന്നു. 12 ഗാനങ്ങളാണ് അല്‍ഫോന്‍സ് തന്നെ വേദിയില്‍ ആലപിച്ചത്. രമ്യ, രൂപ, ശ്യാം എന്നീ ഗായകരും അല്‍ഫോന്‍സിനൊപ്പം വേദിയില്‍ ഗാനങ്ങളുമായി നിറഞ്ഞുനിന്നു. സംഗീതസന്ധ്യയ്‌ക്കു മുന്‍പ് ജൂലിയസ് സീസര്‍ എന്ന ചവിട്ടുനാടകത്തിന്റെ അവതരണവും മറൈന്‍ഡ്രൈവ് വേദിയില്‍ അരങ്ങേറിയിരുന്നു.
വൈകീട്ട് ഏഴിന് രാഘവന്‍ അയ്യമ്പിള്ളിയുടെ ഓട്ടന്‍തുള്ളലോടെ ഉണര്‍ന്ന ദര്‍ബാര്‍ ഹാള്‍ വേദിയില്‍ അംഗദദൂത് പറയുന്ന ചാക്യാര്‍കൂത്തുമായി ദേവന്‍ കക്കാടും തൊട്ടുപിന്നാലെ ഉായിരുന്നു. ശുചിത്വപരിപാലനത്തിന്റെ ആവശ്യകത ഓട്ടന്‍തുള്ളലിലൂടെ അവതരിപ്പിച്ച് കലയുടെ സാംസ്‌കാരികദൗത്യവും രാഘവന്‍ നിറവേറ്റിയപ്പോള്‍ ഹാസ്യശരങ്ങളുമെയ്താണ് ദേവന്‍ കക്കാട് പ്രേക്ഷകരെ കലയിലേയ്‌ക്ക് അടുപ്പിച്ചത്. തുടര്‍ന്ന് കാളിദാസകലാകേന്ദ്രം അവതരിപ്പിച്ച ‘സുന്ദരികളും സുന്ദരന്മാരും’ എന്ന നാടകവും നിറഞ്ഞ സദസില്‍ ഡര്‍ബാര്‍ ഹാള്‍ ഓപ്പണ്‍ എയര്‍ തിയേറ്ററില്‍ അരങ്ങേറി. നവീകരിച്ച ഡര്‍ബാര്‍ ഹാള്‍ ഓപ്പണ്‍ എയര്‍ തിയേറ്ററില്‍ ആദ്യമായാണ് ഒരു നാടകം ഇതാദ്യമായിട്ടായിരുന്നു.
തനതുകലകള്‍ക്കു പ്രോത്സാഹനം നല്‍കിക്കൊുള്ള ഓണാഘോഷപരിപാടികള്‍ക്ക് കൊഴുപ്പുപകരുമാറ് കവിയരങ്ങും കഥാപ്രസംഗവും ഇന്നലെ സംഘടിപ്പിച്ചിരുന്നു. ഇടപ്പള്ളി ചങ്ങമ്പുഴ പാര്‍ക്കില്‍ നടന്ന കവിയരങ്ങില്‍ ആര്‍.കെ ദാമോദരനടക്കമുള്ള 15 കവികള്‍ പങ്കെടുത്തു. ഉച്ചകഴിഞ്ഞ് മൂന്നിന് ആരംഭിച്ച കവിയരങ്ങിനെത്തുടര്‍ന്ന് മാരായമുട്ടം ജോണി ‘ഞങ്ങള്‍ ഭാരതീയര്‍’ എന്ന കഥാപ്രസംഗവും അവതരിപ്പിച്ചു. ശ്രാവണം 2014-ന്റെ സമാപനത്തോടനുബന്ധിച്ച് ഡര്‍ബാര്‍ ഹാള്‍ ഗ്രൗില്‍ വര്‍ണപ്പകിട്ടാര്‍ന്ന കരിമരുന്നു കലാപ്രകടനവും ഒരുക്കിയിരുന്നു. ജില്ലാ കളക്ടര്‍ എം.ജി രാജമാണിക്യത്തിന്റെയും ഡി.ടി.പി.സിസെക്രട്ടറി കൂടിയായ എ.ഡി.എം ബി.രാമചന്ദ്രന്റെയും നേതൃത്വത്തിലാണ് കഴിഞ്ഞ അഞ്ചുദിനങ്ങളായി മൂന്നു വേദികളില്‍ കലാപരിപാടികള്‍ സംഘടിപ്പിച്ചുവന്നിരുന്നത്. മറൈന്‍ഡ്രൈവിലെ കുടുംബശ്രീ കഫേ ഭക്ഷ്യമേളയും വന്‍ ജനപങ്കാളിത്തത്താല്‍ ശ്രദ്ധേയമായി.
