ചങ്ങനാശേരി: ഇത്തിത്താനം ഇളങ്കാവ് ദേവീക്ഷേത്രത്തില് ഭരണി മഹോത്സവത്തിന്റെ ഭാഗമായി 13ന് ചിങ്ങഭരണിയോടനുബന്ധിച്ച് കേരളത്തിലെ ഗജരാജാക്കന്മാര്ക്കായി ആനയൂട്ട് സംഘടിപ്പിക്കും. രാവിലെ 10ന് ആരംഭിക്കുന്ന ആനയൂട്ട് ഡോ. എന്. ജയരാജ് എംഎല്എ ഉദ്ഘാടനം ചെയ്യും.
പാമ്പാടി രാജന്, പുതുപ്പള്ളി കേശവന്, കിരണ് നാരായണന് കുട്ടി, ചാന്നാനിക്കാട് വിജയസുന്ദര്, പുതുപ്പള്ളി സാധു, മഹാദേവന്, കുളമാക്കല് പാര്ത്ഥസാരഥി, ഇളങ്കാവ് വിഷ്ണുനാരായണന്, വാഴപ്പള്ളി മഹാദേവന്, വലിയവീട്ടില് ഗണപതി, മണികണ്ഠന്, തോട്ടയ്ക്കാട് പാര്ത്ഥസാരഥി, ഉഷശ്രീ ദുര്ഗ്ഗാപ്രസാദ്, നാരായണന് കുട്ടി, രാജശേഖരന്, സൂര്യനാരായണന്, കുളമായ്ക്കല് വിജയകൃഷ്ണന്, തോട്ടയ്ക്കാട് ശിവന്, ഹരികുട്ടന് തുടങ്ങി 21ല്പരം ആനകള് പങ്കെടുക്കും. ഭരണിയാഘോഷത്തോടനുബന്ധിച്ച് അഷ്ടദ്രവ്യ ഗണപതിപൂജ, കലശം, അന്നദാനം, വൈകിട്ട് സഹസ്രദീപക്കാഴ്ച എന്നിവയും നടക്കും.
ചടങ്ങുകള്ക്ക് ക്ഷേത്രം തന്ത്രി സൂര്യകാലടി മന സൂര്യന് സുബ്രഹ്മണ്യന് ഭട്ടതിരി, മേല്ശാന്തി വി.കെ. ഈശ്വരന് നമ്പൂതിരി തുടങ്ങിയവര് ചടങ്ങുകള്ക്ക് നേതൃത്വം നല്കും.
