ഏറ്റുമാനൂര്: ഏറ്റുമാനൂര് ബസ്സ്റ്റാന്റ് പരിസരത്ത് പോത്തും എരുമയും വിരണ്ടോടി ഉണ്ടായ അപകടത്തില് അഞ്ചോളം പേര്ക്ക് പരിക്കേറഅറു. ബസ്സ്റ്റാന്റ് പരിസരത്ത് ഇറച്ചിവ്യാപാരം നടത്തുന്ന കടയിലേക്ക് കൂത്താട്ടുകുളത്തുനിന്നും വാഹനത്തില് കൊണ്ടുവന്ന പത്തോളം വരുന്ന പോത്ത്, എരുമകളിലെ രണ്ടെണ്ണമാണ് വിരണ്ടോടിയത്. ഇന്നലെ രാവിലെ ഒന്പതരയോടെ വാഹനത്തില്നിന്നും ഇറക്കുന്നതിനിടയില് പോത്തും എരുമയും വിരണ്ടോടുകയായിരുന്നു. ബസ്സ്റ്റാന്റ് പരിസരത്ത് ചെരുപ്പു നന്നാക്കുന്ന കുട്ടപ്പനെ പോത്ത് വെട്ടുകയും ചവിട്ടി വീഴുത്തുകയും ചെയ്തു. പിന്നീട് വഴിയാത്രക്കാരായ സ്ത്രീകളെയും ബൈക്ക് യാത്രക്കാരെയും പോത്ത് ആക്രമിച്ചു. വഴിയാത്രകാരന് എരുമയുടെ വെട്ടേറ്റ് നിലത്തുവീണു. പരിഭ്രാന്തരായ ടൗണിലെ കച്ചവടക്കാര് കടകള് അടച്ചിട്ടു. പ്രദേശത്തും എംസി റോഡിലും കുറെസമയം പരിഭ്രാന്തിപരത്തിയോടിയ പോത്തിനെ ഒന്നരമണിക്കൂര് നീണ്ട പരിശ്രമത്തിനൊടുവില് അടുത്തുള്ള വാഴതോട്ടത്തില് സാഹസികമായി കീഴ്പെടുത്തുകയായിരുന്നു. ഫയര്ഫോഴ്സിന്റെയും പൊലിസിന്റെയും സഹായത്തോടെ രാഹുല്, ജഗന്, വാസു എന്നിവര് ചേര്ന്നാണ് പോത്തിനെ കീഴ്പ്പെടുത്തിയത്. പൊലിസ് വാഹനത്തിനുനേരെ ആക്രമണം നടത്തിയ എരുമയെയും സാഹസികമായി കീഴ്പ്പെടുത്തിയതുമൂലം കൂടുതല് അപകടം ഒഴിവായി. വേണ്ടത്ര സുരക്ഷ സംവിധാനമില്ലാതിരുന്നതിനാലാണ് മൃഗങ്ങള് വിരണ്ടോടിയതെന്ന് നാട്ടുകാര് പറഞ്ഞു. പരിക്കേറ്റവരെ ഗവണ്മെന്റ് ആശുപത്രിയിലും മെഡിക്കല് കോളേജിലും ചികിത്സ നല്കി വിട്ടയച്ചു.
വെട്ടാന് കൊണ്ടുവന്ന പോത്തും എരുമയും വിരണ്ടോടി; അഞ്ചു പേര്ക്ക് പരിക്ക്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.