കൊച്ചി: തയ്യല് തൊഴിലാളി ക്ഷേമനിധിക്കുള്ള ഗ്രാന്റ് വര്ധിപ്പിച്ച് ക്ഷേമനിധി അംഗങ്ങളായ തൊഴിലാളികള്ക്ക് മെച്ചപ്പെട്ട ആനുകൂല്യങ്ങള് നല്കുന്നതിന് ഗവണ്മെന്റും ക്ഷേമനിധിബോര്ഡും തയ്യാറാകണമെന്ന് കേരള തയ്യല് മസ്ദൂര് ഫെഡറേഷന് (ബിഎംഎസ്)സംസ്ഥാന ജനറല് സെക്രട്ടറി വി.വി.ബാലകൃഷ്ണന് സര്ക്കാരിനോട് ആവശ്യപ്പെട്ടു. എറണാകുളം തയ്യല് തൊഴിലാളി സംഘം ജില്ലാ കമ്മറ്റിയുടെ നേതൃത്വത്തില് എറണാകുളം താലൂക്ക് ഓഫീസിന് മുന്നില് നടത്തിയ ധര്ണ്ണ ഉദ്ഘാടനം ചെയ്ത് സംസാരിക്കുകയായിരുന്നു. ക്ഷേമനിധിയില് തൊഴിലാളി അടയ്ക്കുന്ന അംശാദായം തുക വര്ധിപ്പിച്ചിട്ടും ആനുകൂല്യങ്ങളില് വര്ധനവ് വരുത്താതെ തൊഴിലാളികളെ വഞ്ചിക്കുന്ന നടപടി അവസാനിപ്പിച്ചില്ലെങ്കില് ബിഎംഎസ് ശക്തമായ സമരപരിപാടികളുമായി തെരുവിലിറങ്ങുമെന്ന് അദ്ദേഹം പറഞ്ഞു. അഡ്വ.സിന്ധുമോളുടെ അദ്ധ്യക്ഷതയില് നടന്ന ധര്ണ്ണയില് തയ്യല് യൂണിയന് ജനറല് സെക്രട്ടറി സജിത് ബോള്ഗാട്ടി ബിഎംഎസ് ജില്ലാ ഭാരവാഹികളായ എ.ഡി.ഉണ്ണികൃഷ്ണന്, ആര്.രഘുരാജ്, പി.എസ്.വേണുഗോപാല് എന്നിവര് സംസാരിച്ചു.
തയ്യല് ക്ഷേമനിധി പ്രവര്ത്തനം കാര്യക്ഷമമാക്കണം-ബിഎംഎസ്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.