ആലുവ: എടത്തല പഞ്ചായത്തില് സ്ഥിതിചെയ്യുന്ന എന്എഡിയുടെ 2000 വാര ചുറ്റളവിലെ മുഴുവന് സ്ഥലവും സര്ക്കാര് ഏറ്റെടുക്കണമെന്ന ഹൈക്കോടതിവിധിയുടെ പശ്ചാത്തലത്തില് എടത്തല നിവാസികളുടെ ആശങ്ക കേന്ദ്ര പ്രതിരോധവകുപ്പിനെ അറിയിക്കും.
ബിജെപി എടത്തല പഞ്ചായത്ത് കമ്മറ്റി സങ്കടഹര്ജി നല്കുവാന് തീരുമാനിച്ചു. എടത്തലയിലെ 12 വാര്ഡുകളെ കേന്ദ്രീകരിച്ച് വിധിയുടെ പരിധിയില് വരുന്ന എല്ലാ വീടുകളും സന്ദര്ശിച്ച് സങ്കടഹര്ജിയില് ഒപ്പുശേഖരണം നടത്തും.
ആറായിരത്തോളം വീടുകളെയും നിരവധി സ്ഥാപനങ്ങളെയും വിധി ബാധിക്കും. ഇക്കാര്യത്തില് സര്ക്കാരിന്റെ അടിയന്തര ഇടപെടല് ആവശ്യമാണെന്ന് യോഗം വിലയിരുത്തി. ഈ നിവേദനം എടത്തല സന്ദര്ശിക്കുന്ന ബിജെപി സംസ്ഥാന പ്രതിനിധിസംഘത്തിന് കൈമാറും. തുടര്ന്ന് ഹര്ജി സംസ്ഥാന നേതൃത്വം വഴി കേന്ദ്രസര്ക്കാരിന് സമര്പ്പിക്കും.
പ്രസിഡന്റ് പ്രദീപ് പെരുംപടന്ന അധ്യക്ഷത വഹിച്ചു. വി.കെ. അനില്കുമാര്, പി.എ. നാരായണന്, അപ്പു, എം.കെ. രാമകൃഷ്ണന്, പ്രസന്നകുമാര് എന്നിവര് പ്രസംഗിച്ചു.
