കാക്കനാട്: ചെമ്പ്മുക്ക് സെന്റ്. മൈക്കിള് ചര്ച്ച്് ഹാളില് സീസണല്ലാത്ത നാളുകളിലും മാങ്ങാ പൊഴിയുന്നു. ബ്രസീല് ,ഡൊമിനിക്കന് റിപ്പബ്ലിക്, യുഎസ്എ, തായ്ലാന്റ്, ഗാംബിയ, ആസ്ട്രേലിയ, ഫിലിപ്പൈന്സ്, മാലി തുടങ്ങിയ വിദേശ നാടുകളിലെയും പഞ്ചാബ്, യുപി, ബീഹാര്, മദ്ധ്യപ്രദേശ്, ഹരിയാന, ഉത്തരാഞ്ചല് തുടങ്ങിയ ഉത്തരേന്ത്യന് സംസ്ഥാനങ്ങളിലേയും അപൂര്വ ഇനം മാമ്പഴങ്ങളാണ് കോതമംഗലം ഗ്രീന്വാലി പബ്ലിക് സ്കൂള് ഇവിടെ 10,000 സ്ക്വയര് ഫീറ്റില് നിരത്തിയിരിക്കുന്നത്.
മുന്തിരിയുടെ വലിപ്പത്തിലും കാടമുട്ടയുടെ ആകൃതിയിലുമുള്ള വിവിധ നിറങ്ങളോട് കൂടിയ രണ്ടു ഗ്രാം വരുന്ന അങ്കുര്ധാന മുതല് രണ്ടു കിലോ വരുന്ന പപ്പായാ യുടെ വലിപ്പമുള്ള ഹാത്തി സുല് വരെ ഇക്കൂട്ടത്തില് കാണാം. വിദേശ മാമ്പഴങ്ങള് എല്ലാം തന്നെ ഇന്ഡ്യയില് ബ്രീഡ് ചെയ്യുന്നതാണെന്ന് ഫെസ്റ്റിവല് ഡയറക്ടര് പ്രദീപ് കുരിയാക്കോസ് പറഞ്ഞു.
ഇന്ത്യന് മാമ്പഴങ്ങള്ക്കു വിദേശ രാജ്യങ്ങളില് നിരോധനം വന്നതിനെ നഖശിഖാന്തം എതിര്ക്കുന്ന ഉത്തരാഞ്ജലിലെ ജി.ബി. പാന്ത് കാര്ഷിക സര്വകലാശാലയിലെ ശാസ്ത്രജ്ഞന് ഡോ.എ.കെ. സിംഗ്, ലക്നൗവില് നിന്നും ഡോ.ശൈലേന്ദ്ര സിംഗ് എന്നിവര് ഇവിടുത്തെ കര്ഷകരുമായി ആധുനിക ഓര്ഗാനിക് മാങ്ങോ പ്രൊഡക്ഷനെക്കുറിച്ച് സംവാദിക്കാന് എത്തിയിട്ടുണ്ട്. ശ്വേതാംബര്, ഫെമിക, അനാമിക, ഗോളിക, നീലിമ, ഫാരി തുടങ്ങിയ വ്യത്യസ്തയിനം ഭംഗിയും മണവുമുള്ള മാങ്ങകളാണ് ഏറെയും. ഏറ്റവും ഭംഗിയുള്ള പീക്കോ, ഏറ്റവും വലിയ ഹാത്തിസുല്, മാതളപ്പഴം പോലെയുള്ള ബ്രസീല് ടോമി അട്കിന്, കാടമുട്ടയുടെ വലിപ്പവും നിറവുമുള്ള ഗോലിചിത്ല എന്നിവയ്ക്ക് പുറമെ 2010 ല് എറണാകുളത്ത് നടന്ന മാന്ഗോ ഫെസ്റ്റില് നടന് സുരേഷ് ഗോപി രുചിച്ച സുരേഷ് ഗോപി പസന്ത് മാങ്ങ എന്നിവയും പ്രദര്ശനത്തിലെ ആകര്ഷക ഇനങ്ങളാണ്.
ഹാളില് വെച്ചിട്ടുള്ള 30 വര്ഷം പ്രായമുള്ള ചെടിച്ചട്ടിയില് വളര്ന്ന നീലം മാവ് ആളുകളെ ആകര്ഷിക്കുന്നു. ഇതില് ആറ് മാങ്ങാകളുമുണ്ട്. ഹാളിലെ ഏഴു നിരകളിലായി നിരത്തി വെച്ചിരിക്കുന്ന 1500 ഓളം വരുന്ന മാങ്ങാകളുടെ വശ്യതയും ഗന്ധവും മാമ്പഴക്കാലമല്ലാത്ത മഴക്കാലത്ത് മലയാളിയുടെ മനസ്സിലും,കണ്ണിലും മധുരം പകരുന്നു. ഗ്രീന്വാലി പബ്ലിക് സ്കൂളിലെ ഒന്പതാം ക്ലാസ് വിദ്യാര്ഥിനികളായ ദിവ, റ്റെഡ, ഗോപിക, ഷാരോണ്, ശ്രേയ, അനഘ, സൂസന് എന്നിവരും സൂസി, ലില്ലി, ജിഷ എന്നീ അധ്യാപകരും ഫെസ്റ്റിവല് ഡെയരക്റ്റര് കൂടിയായ പ്രിന്സിപ്പല് പ്രദീപ് കുരിയാക്കോസിനെ സഹായിക്കാന് ഒപ്പമുണ്ട്. പ്രദര്ശനം നാല് ദിവസം നീണ്ടു നില്ക്കും.
