പ്രാണസാധന ചെയ്യുന്ന ആത്മസാധകര് ബോധത്തോടും ഉള്ളറിവോടും കൂടി വേണം അത് പരിശീലിക്കാന്. വെറുതെ ശ്വാസം വലിച്ച് വിട്ടതുകൊണ്ട് നേട്ടമില്ല. ശ്വാസം വലിച്ച് വിടുമ്പോള് ഒരു സുഖം കിട്ടും അത്ര തന്നെ. ഒരു ശ്വസന വ്യായാമമായി അതിനെ കണക്കാക്കാം. അപ്രകാരം പ്രാണവിദ്യ അഭ്യസിച്ചതുകൊണ്ട് ബോധത്തിന്റെ വികസനമോ ജീവന്റെ ഊര്ധ്വഗമനമോ സംഭവിക്കില്ല. നമ്മുടെ പ്രാണന് ഒരേ ഒരു തവണ ഊര്ധ്വമുഖമായി തീര്ന്ന് പരംജ്യോതിസ്സുമായി ബന്ധപ്പെട്ടാല് കോടി ജന്മങ്ങള് ചെയ്ത പാപങ്ങള് നിമിഷനേരം കൊണ്ട് ഭസ്മമായി പോകുമത്രേ! ആത്മ ജ്യോതിസ്സിന്റെ സമ്പര്ക്കം നമ്മുടെ എല്ലാ പാപങ്ങളെയും ഞൊടിയിടകൊണ്ട് ശുദ്ധീകരിക്കുമെന്ന് യോഗികളുടെ മതം.
– തഥാതന്
