ശ്ലോകം: 87
അജഃ കാലവിധാതാ ച ആര്ത്തിഘ്നഃ സര്വകാമദഃ
അനലോ അവ്യയോ വ്യാസോ അരുണാനുജവാഹനഃ
369 : അജഃ – അജന്, ജന്മമില്ലാത്തവന്. ശാശ്വതനായ വിഷ്ണു ജനനവും നാശവുമില്ലാത്ത ബ്രഹ്മചൈതന്യമാണ്. ലോകത്തിന്റെ രക്ഷയ്ക്കായി പലരൂപത്തില് അവതരിക്കുമ്പോള് ജനിച്ചു എന്ന് നാം പറയാറുണ്ടെങ്കിലും ഭഗവാന് ജനിക്കുകയോ മരിക്കുകയോ ചെയ്യുന്നില്ല.
ബ്രഹ്മാവ്, ശിവന്, ചന്ദ്രന്, ഇന്ദ്രന്, കാമദേവന് എന്നീ ദേവമൂര്ത്തികളെ കുറിക്കാനും അജന് എന്ന പദം ഉപയോഗിക്കാറുണ്ട്. ഈ മൂര്ത്തികളെല്ലാം ഗുരുവായൂരപ്പന്റെ രൂപങ്ങളാണ്.
371. ആര്ത്തിഘ്നഃ – ആര്ത്തികളെ നശിപ്പിക്കുന്നവന്.
ദുഃഖവും ക്ലേശവും അനുഭവിക്കാത്തവരായി അരുമില്ല. രോഗം, ദാരിദ്ര്യം, അപമാനം, മനസ്സിനിണങ്ങാത്ത ബന്ധുക്കള്, സമൂഹത്തെ പൊതുവെ ബാധിക്കുന്ന അതിവൃഷ്ടി, അനാവൃഷ്ടി, ഭൂകമ്പം, വിദേശികളുടെ ആക്രമണം തുടങ്ങിയ കാരണങ്ങളാല് ആര്ത്തികളുണ്ടാകാം. ആര്ത്തിക്ക് കാരണം എന്തുതന്നെ ആയാലും ആര്ത്തി എത്ര കടുത്തതായാലും ഗുരുവായൂരപ്പനെ ഭക്തിപൂര്വ്വം സ്മരിക്കുന്നവരെ അത് ക്ലേശിപ്പിക്കുകയില്ല. ഭഗവാന്റെ കാരുണ്യം സൂര്യപ്രകാശം ഇരുട്ടിനെയെന്നപോലെ ആര്ത്തികളെ നശിപ്പിക്കും.
(തുടരും)
ഡോ. ബി.സി.ബാലകൃഷ്ണന്
