കൊച്ചി: അമൃത ഇന്‍സ്റ്റിറ്റിയൂട്ട്‌ ഓഫ്‌ മെഡിക്കല്‍ സയന്‍സസിലെ ഹോസ്പിറ്റല്‍ സേഫ്റ്റി വിഭാഗത്തിന്റെ ആഭിമു്യ‍ത്തില്‍ ലോക സുരക്ഷിതത്വ ദിനാചരണം വിവിധ പരിപാടികളോടെ നടത്തി.
സുരക്ഷിതത്വ ദിനാചരണത്തിന്റെ ഉല്‍ഘാടനം നാഷണല്‍ സേഫ്റ്റി കൗണ്‍സില്‍ ചെയര്‍മാന്‍ ഫ്രാന്‍സിസ്‌ സേവ്യര്‍ നിര്‍വഹിച്ചു. സുരക്ഷിത കാര്യങ്ങളില്‍ വ്യാപകമായ അവബോധവും പരിശീലനവും നല്‍കാത്തതുകൊണ്ടാണ്‌ ഇന്നുഅപകടങ്ങള്‍ വര്‍ദ്ധിക്കാന്‍ കാരണമെന്നു അദ്ദേഹം പറഞ്ഞു. പുതിയവ്യവസായങ്ങളും വികസനങ്ങളും വരുമ്പോള്‍ പുതിയ സുരക്ഷാനിയമങ്ങളും വരുത്തേണ്ടത്‌ അത്യാവശ്യമാണ്‌. ബോധവല്‍ക്കരണ ക്ലാസുകള്‍ നടത്തിയും, പരിശീലനങ്ങള്‍ നല്‍കിയും മാത്രമേ മനുഷ്യരില്‍ സുരക്ഷിതത്വ ബോധം വളര്‍ത്താന്‍ സാധിക്കുമെന്നും അദ്ദേഹം പറഞ്ഞു.
മാതാ അമ്യതാനന്ദമയി മഠം ജനറല്‍ സെക്രട്ടറി സ്വാമി പൂര്‍ണാമ്യതാനന്ദപുരി അനുഗ്രഹ പ്രഭാഷണം നടത്തി. ഡെപ്യൂട്ടി മെഡിക്കല്‍ സൂപ്രണ്ടന്റ്‌ ഡോ:രാജേഷ്പൈ സുരക്ഷിതത്വ പ്രതിജ്ഞ ചൊല്ലി കൊടുത്തു.
എറണാകുളം അഡീഷണല്‍ ഡിസ്ട്രിക്റ്റ്‌ മജിസ്ട്രേറ്റ്‌ ബി.രാമചന്ദ്രന്‍, റേഡിയേഷന്‍ സേഫ്റ്റി ഓഫീസര്‍ ഡോ:ഭാസ്ക്കരന്‍ പിള്ള, ഡോ:ബി.ജയപ്രകാശ്‌ ഡയറക്ടര്‍ ഓഫ്‌ കൊച്ചിന്‍ഫയര്‍ ഗാര്‍ഡ്‌, മെഡിക്കല്‍ സൂപ്രണ്ടന്റ്‌ ഡോ:സഞ്ജീവ്‌ കെ. സിങ്ങ്‌, ഹോസ്പിറ്റല്‍ സേഫ്റ്റി വിഭാഗം മേധാവി വി.ബാബുരാജന്‍ എന്നിവര്‍ ചടങ്ങില്‍ സംസാരിച്ചു.
