മാഡ്രിഡ്: ചാമ്പ്യന്സ് ലീഗില് ബാഴ്സലോണ സെമികാണാതെ പുറത്തായി. സ്പാനിഷ് ടീം അത്ലറ്റികോ മാഡ്രിഡും ജര്മ്മന് ടീം ബയേണ് മ്യൂണിക്കും സെമിയില് കടന്നു.
ഇരുപാദങ്ങളിലുമായി നടന്ന മത്സരത്തില് ബാഴ്സലോണയെ 21 ന് തോല്പ്പിച്ചാണ് അത്ലറ്റികോ ഈ നേട്ടം സ്വന്തമാക്കിയത്. മറ്റൊരു മത്സരത്തില് മാഞ്ചസ്റ്റര് യുണൈറ്റഡിനെ ഒന്നിനെതിരെ മൂന്നു ഗോളുകള്ക്ക് തോല്പ്പിച്ച് ബയേണ് മ്യൂണിക്കും സെമിയില് കടന്നു.
ആദ്യ പാദ മത്സരത്തില് ഇരു ടീമുകളും സമനിലയില് പിരിഞ്ഞിരുന്നു. റയല് മാഡ്രിഡും മുന് ചാമ്പ്യന്മാരായ ചെല്സിയും കഴിഞ്ഞദിവസം സെമിയിലെത്തിയിരുന്നു.
സെമി പോരാട്ടത്തിന്റെ ആദ്യപാദം 22,23 തീയതികളിലും രണ്ടാം പാദം 29,30 തീയതികളിലുമായി നടക്കും. സെമിഫൈനല് മത്സരങ്ങളിലെ എതിരാളികളെ വെള്ളിയാഴ്ച തീരുമാനിക്കും.
