രോഗപീഡകളാല് വലയുന്നവര്ക്കുള്ള എന്റെ അത്യുന്നതമായ ഔഷധം പ്രേമത്തിന്റെ അതിവൃഷ്ടിയാണ്. ഈ പ്രേമം ശക്തിശാലിയായ പ്രത്യൗഷധമാണ്. ഇത് രോഗം ഭേദമാക്കുകയും സാന്ത്വനിപ്പിക്കുകയും ചെയ്യുന്നു. രോഗത്തെ നേരിടാന് നിന്റെ ഇച്ഛാശക്തിയെ ബലവത്താക്കുന്നു. ഇത് രോഗത്തെ സത്വരമായി നിവാരണം ചെയ്യുന്നു. കാരണം, എന്റെ പ്രേമത്തില് നിനക്കുള്ള അടിയുറച്ച വിശ്വാസം തന്നെ. അനുകമ്പ അര്ഹിക്കുന്നവര്ക്ക് അതിനെ പ്രദാനം ചെയ്യൂ. ഇന്ന് മനുഷ്യന് പലവിധത്തിലുള്ള രോഗങ്ങളെ നേരിടേണ്ടി വരുന്നു. ഭൗതികവും മാനസികവും ആത്മീയവുമായ രോഗപീഡകളാല് വലയുന്നവരോട് കരുണ കാണിക്കൂ.
വിശ്വാസില്ലായ്മ കൊണ്ടും അനാരോഗ്യം കൊണ്ടും അവര്ക്കുണ്ടാകുന്ന ദുഃഖസ്ഥിതിയെ അവഗണിക്കൂ. അവരെ പ്രേമത്താല് അഭിഷേകം ചെയ്യൂ. നിനക്ക് അവരോടുള്ള സ്നേഹത്തെയും ശ്രദ്ധയെയും കുറിച്ച് ബോധവാന്മാരാക്കി, അവ കൊണ്ട് അവരെ പൊതിയൂ. നീതിബോധവും തത്ത്വദീക്ഷയുമില്ലാത്ത, കരുണയെ വില്പന ചരക്കാക്കുന്ന ഡോക്ടറെപ്പോലെയാകാതിരിക്കൂ. ധനത്തിനുവേണ്ടി ചികിത്സിക്കുന്ന ഡോക്ടറാകാതിരിക്കൂ. കരുണയെ നിന്റെ തൊഴിലിന്റെ ഭാഗമാക്കാതെ നിന്റെ പ്രകൃതം തന്നെയാക്കൂ. നാലുചുറ്റിനും നീ പരത്തുന്ന ആഹ്ലാദമാണ് നിന്റെ പാരിതോഷികം. നിനക്ക് അലിയിക്കാന് സാധിച്ച ഹൃദയങ്ങളുടെ സന്തോഷം ആണ് നിന്റെ പാരിതോഷികം. ഏറ്റവും വലിയ പാരിതോഷികം നിന്റെ പ്രവൃത്തികളാല് നീ പിടിച്ചെടുക്കുന്ന എന്റെ ആരാധനയാണ്.
– ശ്രീ സത്യസായി ബാബ
