കോട്ടയം: വികസനത്തിന്റെ പേരില് രംഗത്തെത്തിയിട്ടുള്ള മാഫയികള് പൈതൃകത്തെ തകര്ക്കുകയാണെന്ന് ഹിന്ദു ഐക്യവേദി സംസ്ഥാന സെക്രട്ടറി അഡ്വ. കെ.ഹരിദാസ് പറഞ്ഞു. ആര്ത്തിമൂത്ത പണക്കൊതിയന്മാര്ക്ക് പരിസ്ഥിതിയും പൈതൃകവും വില്പനച്ചരക്കുകള് മാത്രമാണെന്ന് അദ്ദേഹം പറഞ്ഞു. ഭാരതീയ വിചാരകേന്ദ്രത്തിന്റെ ആഭിമുഖ്യത്തില് തിരുനക്കര പഴയ പോലീസ് സ്റ്റേഷന് മൈതാനിയില് നടക്കുന്ന സദ്ഗമയ ത്രിദിന പ്രഭാഷണപരമ്പരയില് ആദ്യദിനം സംസാരിക്കുകയായിരുന്നു അദ്ദേഹം. കുടിവെള്ളം കിട്ടിയില്ലെങ്കില് ദാഹം മാറില്ലെന്നും അന്നം കിട്ടിയില്ലെങ്കില് ജീവന് നിലനില്ക്കില്ലെന്നും ഓര്മ്മിക്കാത്ത ഉപഭോഗ ഭ്രാന്തന്മാരാണ് ആറന്മുള പൈതൃകഗ്രാമത്തെ തകര്ക്കാന് ശ്രമിക്കുന്നത്. വികസനത്തിന്റെ അടയാളമാണ് വിമാനത്താവളമെങ്കില് തിരുവനന്തപുരം അന്താരാഷ്ട്ര വിമാനത്താവളം സ്ഥിതി ചെയ്യുന്ന ചാക്ക, കൊച്ചി നെടുമ്പാശേരി തുടങ്ങിയ പ്രദേശങ്ങള് വികസനത്തിന്റെ മാതൃകകളാകണമെന്നും അദ്ദേഹം പറഞ്ഞു. ഭാരതീയ വിചാരകേന്ദ്രം ജില്ലാ വൈസ് പ്രസിഡന്റ് പ്രൊഫ.വി.എം.നാരായണപണിക്കര് അദ്ധ്യക്ഷത വഹിച്ചു. ആര്.ജയകുമാര്, ബി.വിനയകുമാര് തുടങ്ങിയവര് സംസാരിച്ചു.
വികസനമാഫിയകള് പൈതൃകത്തെ തകര്ക്കുന്നു: അഡ്വ.കെ.ഹരിദാസ്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.