ബംഗളൂരു: ബംഗളൂരുവില് എടിഎം കൗണ്ടറില് മലയാളി യുവതി ആക്രമിക്കപ്പെട്ട സംഭവത്തില് പ്രതിയെക്കുറിച്ച് വിവരം നല്കുന്നവര്ക്കുള്ള പാരിതോഷികം അഞ്ച്ലക്ഷം രൂപയായി പോലീസ് വര്ദ്ധിപ്പിച്ചു. ഒരു ലക്ഷം രൂപയായിരുന്ന പാരിതോഷികമാണ് അഞ്ചുലക്ഷമായി ഉയര്ത്തിയിരിക്കുന്നത്. മലയാളി യുവതിയും ബാങ്ക് മാനേജരുമായ ജ്യോതി ഉദയയാണ് എടിഎമ്മില്വെച്ച് ആക്രമിക്കപ്പെട്ടത്. സംഭവം നടന്ന് ഒരുമാസമായിട്ടും അക്രമിയെ കണ്ടെത്താന് പോലീസിനു കഴിഞ്ഞിട്ടില്ല.
200 പേരടങ്ങുന്ന പോലീസ് സംഘമാണ് കേസ് അന്വേഷിക്കുന്നത്. സിസിടിവി ദൃശ്യങ്ങളുടെ അടിസ്ഥാനത്തില് പോലീസ് രാജ്യവ്യാപകമായ അന്വേഷണം നടത്തിവരികയാണ്. അതേസമയം അക്രമി ആന്ധ്രയിലെ അനന്തപൂര് ജില്ലയില് സമാനമായ രീതിയില് കൊള്ളനടത്തിയിരുന്നതായും വിവരമുണ്ട്. പ്രതിയുടെ ചിത്രവും വിവരങ്ങളും ടിവി ചാനലുകളില് പ്രദര്ശിപ്പിക്കാനും പോലീസ് നീക്കം നടത്തുന്നുണ്ട്. അക്രമത്തില് ഗുരുതരമായി പരിക്കേറ്റ ജ്യോതിക്ക് പക്ഷാഘാതം ഉണ്ടാകുകയും വലതുവശം തളര്ന്നുപോകുകയും ചെയ്തിരുന്നു. എടിഎമ്മില് പണമെടുക്കാന് കയറിയ ജ്യോതിയുടെ പിന്നാലെ അകത്തുകയറിയ അക്രമി ഷട്ടര് താഴ്ത്തി വടിവാള് ഉപയോഗിച്ചു വെട്ടുകയായിരുന്നു. വെട്ടേറ്റ് ജ്യോതിയുടെ തലയോട്ടിയില് ഒന്നിലധികം ഭാഗത്ത് പൊട്ടലുണ്ട്. തലച്ചോറിനും ഗുരുതരമായ ക്ഷതമേറ്റു.
