ശ്രീനഗര്: ജമ്മുകാശ്മീരിലെ ചദൂരയില് പോലീസ് സ്റ്റേഷനു നേരെ ഭീകരര് നടത്തിയ വെടിവയ്പില് സ്റ്റേഷന് ഹൗസ് ഓഫീസര് കൊല്ലപ്പെട്ടു. രണ്ടു പോലീസുകാര്ക്ക് പരിക്കേറ്റു. സബ് ഇന്സ്പെക്ടര് റാങ്കിലുള്ള ഷബീര് അഹമ്മദാണ് മരിച്ചത്. പരിക്കേറ്റ കോണ്സ്റ്റബിള് മൊഹമ്മദ് ഷാഫി, എസ്.പി.ഒ ഫിര്ദൗസ് അഹമ്മദ് എന്നിവരെ ആശുപത്രിയില് പ്രവേശിപ്പിച്ചു.
ആക്രമണത്തിന് ശേഷം ഭീകരര് രക്ഷപ്പെട്ടു. ഇവര്ക്കായുള്ള തെരച്ചില് ആരംഭിച്ചിട്ടുണ്ട്.
