ചെന്നൈ: ആത്മഹത്യയ്ക്ക് ശ്രമിച്ചെന്ന് പ്രചരിച്ച വാര്ത്ത തെറ്റാണെന്ന് പ്രമുഖ നടി സിന്ധു മേനോന്.
താന് ലണ്ടനിലാണെന്നും ചാനലുകളിലും സൈറ്റുകളിലും താന് വിഷം കഴിച്ചുവെന്നു വന്ന വാര്ത്ത ശരിയല്ലെന്നും സിന്ധു പറഞ്ഞു. ഒരു പ്രമുഖ ചാനല്പ്രവര്ത്തകനോടാണ് സിന്ദു ഈ കാര്യ വെളിപ്പെടുത്തിയത്.
വിവാഹബന്ധത്തിലുള്ള പ്രശ്നങ്ങളെത്തുടര്ന്ന് സിന്ധു ഉറക്ക ഗുളിക കഴിച്ച് ആത്മഹത്യയ്ക്ക് ശ്രമിച്ചതായി ഇന്നലെ വാര്ത്തകള് വന്നിരുന്നു. അബോധാവസ്ഥയിലായ തെന്നിന്ത്യന് നടി സിന്ധുമേനോന് വടപഴനിയിലെ സൂര്യ ആശുപത്രിയില് ഐ.സി.യുവില് ചികിത്സയിലണെന്നും അപകടനില ഇനിയും തരണം ചെയ്തിട്ടില്ലെന്നുമായിരുന്നു വാര്ത്തകള്. ലണ്ടനില് താമസമാക്കിയ പ്രഭുവെന്നയാളെ മൂന്നു വര്ഷം മുന്പാണ് സിന്ധു വിവാഹം കഴിച്ചത്.
അതേസമയം സിന്ധു എന്ന പേരുള്ള മറ്റൊരു തമിഴ് സഹനടിയെയാണ് ആശുപത്രിയില് പ്രവേശിപ്പിച്ചതെന്നും റിപ്പോര്ട്ടുണ്ട്.
രശ്മി എന്ന കന്നട ചിത്രത്തിലൂടെ അരങ്ങേറ്റം കുറിച്ച സിന്ധു മേനോന് ഉത്തമന് എന്ന ചിത്രത്തിലൂടെയാണ് മലയാളത്തില് എത്തിയത്. 2010ല് യുകെയിലെ ഐടി മേഖലയില് ജോലിചെയ്യുന്ന ഡൊമിനിക് പ്രഭുവിനെ വിവാഹം കഴിച്ചതില്പ്പിന്നെ സിന്ധു അഭിനയരംഗത്ത് സജീവമല്ല.
കര്ണാടകത്തില് ജനിച്ച ഇവര് മലയാളം, തമിഴ്, തെലുങ്ക്, കന്നട തുടങ്ങി നാല്പതിലധികം ചിത്രങ്ങളില് അഭിനയിച്ചിട്ടുണ്ട്. വേഷം, വാസ്തവം, തൊമ്മനും മക്കളും തുടങ്ങിയ മലയാളചിത്രങ്ങളില് സിന്ധുമേനോന് ശ്രദ്ധേയമായ വേഷങ്ങള് കൈകാര്യം ചെയ്തു. 2012ല് പുറത്തിറങ്ങിയ മഞ്ചാടിക്കുരുവാണ് മലയാളത്തിലെ അവസാനചിത്രം.
