ഏറ്റുമാനൂര്‍: അഴിമതിയുടെ പ്രതിരൂപങ്ങളായി കേന്ദ്ര-സംസ്ഥാന സര്‍ക്കാരുകള്‍ മാറിയിരിക്കുകയണെന്ന് ബിജെപി സംസ്ഥാന ട്രഷറര്‍ എം.പി.രാജഗോപാല്‍ അഭിപ്രായപ്പെട്ടു. ഏറ്റുമാനൂര്‍ എന്‍എസ്എസ് കരയോഗം ഹാളില്‍ ചേര്‍ന്ന ബിജെപി ഏറ്റുമാനൂര്‍ നിയോജകമണ്ഡലം സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
എന്‍.വി.ബൈജുവിന്റെ അദ്ധ്യക്ഷതയില്‍ ചേര്‍ന്ന യോഗത്തില്‍ ജില്ലാ പ്രസിഡന്റ് ഏറ്റുമാനൂര്‍ രാധാകൃഷ്ണന്‍ മുഖ്യപ്രഭാഷണം നടത്തി. പി.ജി.ബിജുകുമാര്‍ സംഘടനാ ക്ലാസെടുത്തു. ബിജെപി ഏറ്റുമാനൂര്‍ നിയോജകമണ്ഡലം പ്രസിഡന്റായി എന്‍.വി.ബൈജുവിനെയും ജനറള്‍ സെക്രട്ടറിമാരായ അഡ്വ.മണികണ്ഠന്‍ നായര്‍, വി.ആര്.രാജന്‍ പുന്നത്തുറ എന്നിവരെയും തെരഞ്ഞെടുത്തു.
ഏറ്റുമാനൂരിന്റെ സമഗ്രവികസനം ആവശ്‌പ്പെട്ട് സമരങ്ങള്‍ സംഘടിപ്പിക്കം. ഈമാസം 16ന് രാഷ്‌ട്രീയ നയവിശദീകരണയോഗം ഏറ്റുമാനൂരില്‍ സംസ്ഥാന വൈസ് പ്രസിഡന്റ് പി.എം.വേലായുധന്‍ ഉദ്ഘാടനം ചെയ്യും.
ഞായറാഴ്ച നടന്ന നിയോജകമണ്ഡലം സമ്മേളനത്തില്‍ നേതാക്കളായ കുസുമാലയം ബാലകൃഷ്ണന്‍, വി.ആര്.രാജന്‍ പുന്നത്തുറ, അഡ്വ.ജയചന്ദ്രന്‍, ഗണപതി ആചാരി, പി.ജെ.ജോസഫ്, പഞ്ചായത്ത് പ്രസിഡന്റുമാരായ ഷിന്‍ഗോപാല്‍, പി.ദിലീപ്, സുധീര്‍ ചീപ്പുങ്കല്‍, ഒളശ്ശ ഉണ്ണികൃഷ്ണന്‍, കിളിരൂര്‍ ബാബു, ജയകുമാര്‍ കുമരകം, സി.ടി.രാജേഷ്, സോമന്‍ പള്ളിക്കല്‍ എന്നിവര്‍ സംസാരിച്ചു. വി.എന്‍.കേശവന്‍ നായര്‍ സ്വാഗതവും അഡ്വ.മണികണ്ഠന്‍ നായര്‍ കൃതജ്ഞതയും രേഖപ്പെടുത്തി.
