എരുമേലി: മദ്യം മയക്കുമരുന്ന് ലഹരിവസ്തുക്കളുടെ പഴയകാല ഉപയോഗരീതിയും മറികടന്ന് യുവതലമുറയില് ലഹരിവസ്തു പുതിയ രീതിയില് ഉപയോഗിക്കാനുള്ള സംവിധാനം രംഗത്ത്. ഒസിബി എന്ന പേരില് ഇറങ്ങിയിരിക്കുന്ന അതിമൃദുലമായ പേപ്പര് പാക്കറ്റാണ് എരുമേലിയില് സജീവമായിരിക്കുന്നത്. 36 എണ്ണമടങ്ങുന്ന ഈ പാക്കറ്റിലെ ഓരോ പേപ്പറിനും ലഹരിവസ്തു അടങ്ങിയ ഒരുതരം പശപോലെയുള്ള വീര്യം കൂടിയ കെമിക്കല് പുരട്ടിയിട്ടുണ്ടെന്ന് പറയുന്നു.
ഈ പേപ്പറില് സിഗരറ്റിന്റെ ചുക്കായോ, കഞ്ചാവോ ഏതു ലഹരിവസ്തുവാണെങ്കിലും സിഗരറ്റുപോലെ ചുരുട്ടി പുകവലിച്ചാല് മറ്റ് ലഹരിവസ്തുങ്ങള് ഉപയോഗിക്കുന്നതിനേക്കാള് വീര്യം കൂടുമെന്നാണ് ഉപയോഗിച്ചവര് പറയുന്നത്. ഒ.സി.ബി പേപ്പര് പാക്കറ്റ് ചങ്ങനാശ്ശേരിയില് നിന്നുമാണ് കൊണ്ടുവരുന്ന തെന്നും കോളനികള് കേന്ദ്രീകരിച്ചാണ് ഇതിന്റെ വില്പന നടത്തുന്നതെന്നും പറയുന്നു.
