കോട്ടയം: കിടങ്ങൂര് പാദുവ കുത്തിക്കുന്ന് കോളനി കേന്ദ്രീകരിച്ച് പ്രവര്ത്തിക്കുന്ന അനധികൃത മതപരിവര്ത്തന കേന്ദ്രത്തിലേക്ക് മാര്ച്ച് നടത്തിയ ഹിന്ദുഐക്യവേദി പ്രവര്ത്തകരെ പോലീസ് ക്രൂരമായി മര്ദ്ദിച്ചു. യുവമോര്ച്ച സംസ്ഥാന സെക്രട്ടറി എന്.ഹരിക്ക് പോലീസിന്റെ ലാത്തികൊണ്ട് കുത്തേറ്റ് സാരമായി പരിക്കേറ്റു.
ഇന്നലെ വൈകിട്ട് പട്യാമറ്റത്തുനിന്നും ആരംഭിച്ച മാര്ച്ച് മതപരിവര്ത്തന കേന്ദ്രത്തിന് സമീപം പോലീസ് തടഞ്ഞു. സമാധാനപരമായി നടത്തിയ മാര്ച്ചില് പോലീസിലെ ചിലര് കരുതിക്കൂട്ടി അക്രമം നടത്തുകയായിരുന്നു. യുവമോര്ച്ച സംസ്ഥാന സെക്രട്ടറി എന്.ഹരിയെ തെരഞ്ഞുപിടിച്ചു ക്രൂരമായി മര്ദ്ദിക്കുകയായിരുന്നു.
മാര്ച്ച് യുവമോര്ച്ച സംസ്ഥാന സെക്രട്ടറി എന്.ഹരി ഉദ്ഘാടനം ചെയ്തു. ആര്എസ്എസ് താലൂക്ക് കാര്യവാഹ് വി.വിനീത്, സഹകാര്യവാഹ് രാജേഷ് എന്നിവര് സംസാരിച്ചു. മാര്ച്ചിനെ നേരിടാന് വന് പോലീസ് സംഘത്തെയാണ് വിന്യസിച്ചത്. സമരം തുടരുമെന്നും നേതാക്കള് മുന്നറിയിപ്പു നല്കി.
