ചെന്നൈ: ലങ്കന് തമിഴര്ക്ക് നീതി ആവശ്യപ്പെട്ട് തെന്നിന്ത്യന് സിനിമാ ലോകം ഉപവാസ സമരം നടത്തി. തമിഴ്നടന് ശരത് കുമാറിന്റെ നേതൃത്വത്തില് നടന്ന ഉപാവാസത്തില് രജനികാന്ത്, അജിത് കുമാര്, സൂര്യ, ധനുഷ്, പ്രഭുദേവ, പ്രകാശ് രാജ് തുടങ്ങിയ പ്രമുഖരും പങ്കെടുത്തു.
ശ്രീലങ്കയിലെ യുദ്ധകുറ്റകൃത്യങ്ങളെക്കുറിച്ച് രാജ്യാന്തര അന്വേഷണം വേണമെന്നും ലങ്കയിലെ തമിഴ് വംശജരെ പുനരധിവസിപ്പിക്കണമെന്നുമാണ് പ്രതിഷേധക്കാരുടെ പ്രധാന ആവശ്യം. സൗത്ത് ഇന്ത്യന് ഫിലിം ആര്ടിസ്റ്റ് ആസ്ഥാനത്ത് നടക്കുന്ന സമരത്തില് തമിഴ് സിനിമാ സംവിധായകര്, നിര്മ്മാതാക്കള്, വിതരണക്കാര് തുടങ്ങിയവരും അണിചേര്ന്നു.
തമിഴ്നാട് സര്ക്കാര് കഴിഞ്ഞ ആഴ്ച പാസാക്കിയ പ്രമേയം കേന്ദ്രസര്ക്കാര് നടപ്പില് വരുത്തണമെന്നാണ് സമരക്കാരുടെ ആവശ്യം. പ്രത്യേക തമിഴ് ഈഴം വേണമെന്നും ലങ്കയ്ക്കെതിരെ സാമ്പത്തിക ഉപരോധം വേണമെന്നും തമിഴ്നാട് സര്ക്കാരിന്റെ പ്രമേയത്തില് ആവശ്യപ്പെട്ടിരുന്നു.
