കോട്ടയം: പെട്രോളിന്റെയും ഡീസലിന്റെയും വിലവര്ദ്ധനവില്പ്രതിഷേധിച്ച് ബിജെപി കോട്ടയം ടൗണ് കമ്മറ്റിയുടെ നേതൃത്വത്തില് ഗാന്ധിസ്ക്വയറില് പ്രധാനമന്ത്രി മന്മോഹന് സിംഗിന്റെ കോലം കത്തിച്ചു. യുപിഎ സര്ക്കാര് അധികാരത്തില് വന്നതിനുശേഷം 20 തവണയില് കൂടുതല് പെട്രോളിന്റെയും ഡീസലിന്റെയും വില വര്ദ്ധിപ്പിച്ചുകൊണ്ട് ജനങ്ങളെ പൊറുതിമുട്ടിക്കുന്ന സര്ക്കാര് അധികാരികള്ക്കെതിരെ ജനങ്ങള് വിധിയെഴുതുമെന്ന് പ്രതിഷേധയോഗം ഉദ്ഘാടനം ചെയ്തുകൊണ്ട് ബിജെപി കോട്ടയം മണ്ഡലം പ്രസിഡന്റ് സി.എന് സുബാഷ് പറഞ്ഞു. വര്ദ്ധിച്ചുവരുന്ന വിലക്കയറ്റം കാരണം ജനങ്ങള് കഷ്ടത അനുഭവിക്കുന്നതായും അദ്ദേഹം കുറ്റപ്പെടുത്തി.
ബിജെപി ടൗണ് കമ്മറ്റി പ്രസിഡന്റ് നാസര് റാവുത്തര് അധ്യക്ഷതവഹിച്ചു. മണ്ഡലം ജനറല് സെക്രട്ടറി ബിനു ആര്. വാര്യര്, പി.ജെ.ഹരികുമാര്, ബിജു ശ്രീധര്, കുസുമാലയം ബാലകൃഷ്ണന്, ശരത്, വി.പി മുകേഷ്, എന്.എസ് രമേശ്, കെ.ബി രമേശ്, ജി.കെ ഹരി, ടി.ആര് സുഗുണന് ടി.ആര്. രാജന് തുടങ്ങിയവര് സംസാരിച്ചു.
