ഏറ്റുമാനൂര്: പുണ്യപഞ്ചാക്ഷരീ മന്ത്രത്താലും മുഖരിതമായ ദിവ്യമുഹൂര്ത്തത്തില് ഭക്തജനസഹസ്രങ്ങള് സാക്ഷിയായി ഏറ്റുമാനൂര് ശ്രീമഹാദേവക്ഷേത്രത്തില് കൊടിയേറി. ഇന്നലെ രാവിലെ 8.35 ന് ശൈവമന്ത്രഘോഷങ്ങള് അകമ്പടിയായി തന്ത്രി കണ്ഠരര് മഹേശ്വരരുടേയും മേല്ശാന്തി വാരിക്കാട് നാരായണന് ശ്രീധരന്റെയും കാര്മ്മികത്വത്തിലാണ് കൊടിയേറ്റ് നടന്നത്. തുടര്ന്ന് തിടനാട് ശ്രീകുമാര്, പൂഞ്ഞാര് അംബദാസ്, കടുത്തുരുത്തി രാജശേഖരന് എന്നിവര് ചേര്ന്ന് നാദസ്വര-തകില് മേളത്തോടെ ചടങ്ങിന് കൊഴുപ്പേകി. 9 ന് പുതുതായി നിര്മ്മിച്ച നടപ്പന്തലിന്റെ സമര്പ്പണവും കലാപരിപാടികളുടെ ഉദ്ഘാടനവും നടന്നു. പ്രശസ്ത കര്ണാടക സംഗീതജ്ഞന് കോട്ടയം വീരമണിയുടെ നേതൃത്വത്തില് ത്യാഗരാജ പഞ്ചരത്ന കീര്ത്തനാലാപത്തോടെ തിരുവരങ്ങില് പരിപാടികള്ക്കു തുടക്കമായി. ഓട്ടന്തുള്ളല്, ഭക്തിഗാനമഞ്ജരി. വിവിധ നൃത്ത പരിപാടികള് എന്നിവ നടന്നു.
ശൈവമന്ത്രഘോഷങ്ങളുടെ അകമ്പടിയില് ഏറ്റുമാനൂരില്കൊടിയേറി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.