ഇസ്ലാമാബാദ്: ചാരക്കേസില് കുറ്റാരോപിതനായി പാക് ജയിലില് തടവിലായിരുന്ന ഇന്ത്യാക്കാരന് കൊല്ലപ്പെട്ടു. ജമ്മു കാശ്മീര് സ്വദേശിയായ ചമേല് സിംഗ് എന്ന ആളാണ് കൊല്ലപ്പെട്ടത്. അഞ്ച് വര്ഷമായി ഇയാള് ജയിലിലായിരുന്നു.
മരിക്കുന്നതിനു രണ്ട് ദിവസം മുമ്പ് ചമേല് സിംഗിനെ ക്രൂരമായി മര്ദ്ദിച്ചിരുന്നെന്നും ഇതാണ് മരണ കാരണമെന്നും റിപ്പോര്ട്ടുകള് പറയുന്നു. വംശീയമായി അധിക്ഷേപിച്ചാണ് മര്ദ്ദനം നടന്നതെന്ന് പാകിസ്ഥാന് അഭിഭാഷകനായ തെഹ്സീന് ഖാന് പറഞ്ഞു.
ചമേലിന്റെ മരണ വിവരം പാക്കിസ്ഥാന് സര്ക്കാര് ഇന്ത്യന് സര്ക്കാരിനെ അറിയിച്ചിരുന്നു. എന്നാല് മര്ദ്ദനത്തെ കുറിച്ച് ഒന്നും പറഞ്ഞിരുന്നില്ലെന്ന് ഇന്ത്യര് സര്ക്കാര് അറിയിച്ചു. ചമേല് സിംഗിനെ 2008ലാണ് ചാരക്കേസില് പിടികൂടി ജയിലിലാക്കിയത്. എന്നാല് ചമേല് കുറ്റം ഒന്നും ചെയ്തിട്ടില്ലെന്നാണ് കുടുംബാംഗങ്ങള് പറയുന്നത്.
പാക്കിസ്ഥാന് ജയിലില് കഴിയുന്ന ഇന്ത്യന് വംശജരായ മറ്റ് ജയില് പുള്ളികളും ഇത്തരത്തിലുള്ള ഭീഷണിയിലാണെന്ന് റിപ്പോര്ട്ടുകള് പറയുന്നു.
