മൂവാറ്റുപുഴ: ജില്ലയിലെ സര്ക്കാരിന്റെ കോഴിഫാമില് തൊഴിലാളികളുടെ നിസ്സഹകരണസമരം മൂലം കോഴി വിതരണം നിലയ്ക്കുന്നു. കൂവപ്പടി പഞ്ചായത്തില് പ്രവര്ത്തിച്ചുവരുന്ന പ്രാദേശിക കോഴിവളര്ത്തല് കേന്ദ്രത്തിലാണ് 14 തൊഴിലാളികള് നിസ്സഹകരണസമരത്തിലേര്പ്പെട്ടിരിക്കുന്നത്. ഒരു വര്ഷമായി അറ്റകുറ്റപ്പണികള് മൂലം ഫാമിന്റെ പ്രവര്ത്തനം തടസപ്പെട്ടിരുന്നത് ഏതാനും ദിവസം മുമ്പാണ് പ്രവര്ത്തനം പുനരാരംഭിച്ചത്.
നിലവില് 1200 കോഴിക്കുഞ്ഞുങ്ങളെ വളര്ത്തിവരുന്നുണ്ട്. കോഴിക്കുഞ്ഞുങ്ങളുടെ പരിപാലനവും കൂടുകള് അടയ്ക്കുകയും തുറക്കുന്നതിനുമുള്ള ഉത്തരവാദിത്തം തൊഴിലാളികള്ക്കാണ്. ഇവരുടെ നിസ്സഹകരണംമൂലം വെറ്ററിനറി സര്ജന്മാരും ലൈവ് സ്റ്റോക്ക് ഇന്സ്പെക്ടറും രണ്ട് അറ്റന്റര്മാരും ചേര്ന്നാണ് കോഴിക്കുഞ്ഞുങ്ങളെ സംരക്ഷിച്ചുവരുന്നത്. ഇതോടെ ഫാമിലെ മറ്റ് ജോലികള്ക്ക് തടസം നേരിട്ടിരിക്കുകയാണ്.
അഞ്ചുമാസം വരെയാണ് കോഴികളെ വളര്ത്തുന്നത്. ഇവയെ പിന്നീട് വിറ്റഴിക്കും. 8000ത്തോളം കോഴികളെ വളര്ത്താന് ഇവിടെ സൗകര്യമൊരുക്കിയിട്ടുണ്ട്. ബംഗളൂരുവില് പക്ഷിപ്പനി ബാധിച്ചതുമൂലം അവിടെനിന്നും എത്തിച്ചിരുന്ന കോഴിമുട്ടകള് നശിപ്പിച്ചിരുന്നു. പക്ഷിപ്പനിബാധ അകന്നതോടെ മുട്ട വിരിയിക്കല് നടപടി ഫാമില് തുടങ്ങിക്കഴിഞ്ഞു. തൊഴിലാളികളുടെ സമരം തുടര്ന്നാല് കോഴിക്കുഞ്ഞുങ്ങളുടെ സംരക്ഷണത്തിന് തടസം നേരിടും. ഫാമിന്റെ പ്രവര്ത്തനം തടസപ്പെട്ടിട്ടും ജില്ലാ മൃഗസംരക്ഷണ ഓഫീസറുടെ ശ്രദ്ധയില്പ്പെട്ടിട്ടില്ലെന്ന നിലപാടിലാണ് ഓഫീസര്. ഇതോടെ ഫാമിന്റെ പ്രവര്ത്തനം നിലയ്ക്കാനാണ് സാധ്യത.
