പെരുമ്പാവൂര്‍: ഉമ്മന്‍ചാണ്ടി സര്‍ക്കാരിന്റെ ജനദ്രോഹഭരണം കേരളത്തെ സൊമാലിയയാക്കി മാറ്റുമെന്ന്‌ ബിജെപി ദേശീയ നിര്‍വാഹകസമിതിയംഗം പി.കെ.കൃഷ്ണദാസ്‌ പറഞ്ഞു. കേരളത്തില്‍ നിത്യോപയോഗസാധനങ്ങളുടെയും ഇന്ധനത്തിന്റെയും വില ദിവസംപ്രതി കുതിച്ചുയരുകയാണ്‌. ദിവസങ്ങള്‍ക്കുള്ളില്‍ ഒരുകിലോ അരിയുടെ വില 50 രൂപയാകുമെന്നും അതോടെ പട്ടിണിമരണങ്ങളുടെ നാടായ സൊമാലിയക്ക്‌ സമമായി കേരളം മാറുമെന്നും കൃഷ്ണദാസ്‌ മുന്നറിയിപ്പ്‌ നല്‍കി. പെരുമ്പാവൂരില്‍ നടന്ന ജനജാഗരണസദസ്‌ ഉദ്ഘാടനം ചെയ്ത്‌ സംസാരിക്കുകയായിരുന്നു അദ്ദേഹം.
ജനജാഗരണസദസിന്‌ മുന്നോടിയായി ഗവ. ആശുപത്രിപ്പടിയില്‍നിന്ന്‌ നടന്ന പ്രകടനത്തില്‍ നൂറുകണക്കിന്‌ പ്രവര്‍ത്തകര്‍ പങ്കെടുത്തു. മണ്ഡലം പ്രസിഡന്റ്‌ എം.ജി.ഗോവിന്ദന്‍കുട്ടിയുടെ അധ്യക്ഷതയില്‍ ചേര്‍ന്ന യോഗത്തില്‍ ദേശീയസമിതി അംഗം അഡ്വ. കെ.ആര്‍.രാജഗോപാല്‍, ജില്ലാ പ്രസിഡന്റ്‌ അഡ്വ. പി.ജെ.തോമസ്‌, വൈസ്‌ പ്രസിഡന്റ്‌ കെ.പി.രാജന്‍, ജനറല്‍ സെക്രട്ടറി എം.എന്‍.മധു, എം.എന്‍.ഗംഗാധരന്‍, കെ.അജിത്‌ കുമാര്‍, ഒ.സി.അശോകന്‍, എസ്‌.ജി.ബാബുകുമാര്‍, സി.പി.രാധാകൃഷ്ണന്‍, വാസന്തി പുരുഷോത്തമന്‍, ലീലാമ്മ ഈപ്പന്‍, ഓമന സുബ്രഹ്മണ്യന്‍, സന്ദീപ്‌, പി.വി.സുജിത്‌, വി.എന്‍.വിജയന്, എം.എന്‍.ഗോപി, സന്തോഷ്‌ പത്മനാഭന്‍, കെ.ജി.പുരുഷോത്തമന്‍ തുടങ്ങിയവര്‍ സംസാരിച്ചു.
