പള്ളുരുത്തി: പെരുമ്പടപ്പ്‌ ശ്രീനാരായണ റോഡിലും, ചേമ്പുംകണ്ടം ലൈനിലും തെരുവുനായകളുടെ ആക്രമണത്തില്‍ അഞ്ചോളം പേര്‍ക്ക്‌ പരിക്ക്‌. ചൊവ്വാഴ്ച രാവിലെയാണ്‌ സംഭവം. രാവിലെ 10 മണിയോടെ പെരുമ്പടപ്പ്‌ ശ്രീനാരായണ റോഡിനു സമീപം വെച്ച്‌ കൊച്ചുവീട്ടില്‍ റോസി ജോസഫ്‌ (66)നാണ്‌ ആദ്യം കടിയേറ്റത്‌. ഇവരുടെ ദേഹത്തും കാലിലും ആഴത്തിലുള്ള മുറിവുകളുണ്ട്‌. ഇവരെ ഉടനെതന്നെ എറണാകുളം ജനറല്‍ ആശുപത്രിയില്‍ എത്തിച്ചെങ്കിലും കോട്ടയം മെഡിക്കല്‍ കോളേജിലേക്കു മാറ്റുകയായിരുന്നു. ചേമ്പുംകണ്ടം ലൈനിനുസമീപം ഒരു സ്കൂള്‍ വിദ്യാര്‍ത്ഥിനിയുള്‍പ്പെടെ നാലുപേര്‍ക്കും നായകളുടെ ആക്രമണത്തില്‍ പരിക്കേറ്റിട്ടുണ്ട്‌. ഇവരെ എറണാകുളം ജനറല്‍ ആശുപത്രിയില്‍ പ്രവേശിപ്പിച്ചിരിക്കുകയാണ്‌. കൂട്ടത്തോടെ വരുന്ന നായകളില്‍ ഒരു നായയാണ്‌ ആക്രമണം നടത്തുന്നതെന്ന്‌ പരിക്കേറ്റവര്‍ പറഞ്ഞു. പള്ളുരുത്തിയുടെ വിവിധ പ്രദേശങ്ങളില്‍ തെരുവുനായ ശല്യം രൂക്ഷമായിരിക്കുകയാണ്‌. അധികൃതര്‍ നടപടി സ്വീകരിക്കുന്നില്ലെന്നും നാട്ടുകാര്‍ പരാതിപ്പെട്ടു.
പെരുമ്പടപ്പില്‍ തെരുവുനായ്ക്കളുടെ ആക്രമണം; അഞ്ചോളം പേര്‍ക്ക്‌ പരിക്ക്‌
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.