പെരുമ്പാവൂര്: ലൗജിഹാദികളായ മുസ്ലീംങ്ങളെ പെരുമ്പാവൂരില് പോലീസ് സംരക്ഷിക്കുന്നതിലും കഴിഞ്ഞ ദിവസം ടൗണിലും പരിസരത്തും വിശ്വഹിന്ദു പരിഷത്ത് സ്ഥാപിച്ചിരുന്ന ബോധവത്കരണബോര്ഡുകള് പോലീസ് നശിപ്പിച്ചതിലും പ്രതിഷേധിച്ച് ഹിന്ദുസംഘടനകള് പെരുമ്പാവൂരില് പ്രകടനം നടത്തി. മുസ്ലീം യുവാക്കള് ഹിന്ദുയുവതികളെ പ്രണയം നടിച്ച് മതംമാറ്റുന്നത് സംസ്ഥാനത്തില് വ്യാപകമാകുന്ന സാഹചര്യത്തില് ഹിന്ദുപെണ്കുട്ടികളെയും അമ്മമാരെയും ബോധവല്കരിക്കുക എന്ന ലക്ഷ്യത്തോടെ ക്ഷേത്രങ്ങള് കേന്ദ്രീകരിച്ച് സ്ഥാപിച്ചിരുന്ന ഫ്ലക്സ് ബോര്ഡുകളാണ് വെള്ളിയാഴ്ച രാത്രി പെരുമ്പാവൂര് പോലീസ് നശിപ്പിച്ചത്. എന്നാല് തൊട്ടടുത്തായി മുസ്ലീങ്ങള് പതിച്ചിട്ടുള്ള തീവ്രത നിറഞ്ഞ പോസ്റ്ററുകള് പോലീസ് തൊട്ടുനോക്കിയില്ലെന്ന് നേതാക്കള് പറഞ്ഞു.
ഇതിനുമുമ്പും പെരുമ്പാവൂര് പോലീസ് ഹിന്ദുക്കളെ മാത്രം തെരഞ്ഞ് പിടിച്ച് കേസെടുത്ത സംഭവങ്ങള് ഉണ്ടായിട്ടുണ്ടെന്നും, അല്ലപ്രയിലെ ഓര്ണയില് ഐക്യവേദിയുടെ കൊടിമരം നശിപ്പിച്ചതും ഇതേ ഉദ്യോഗസ്ഥരാണെന്നും ഹിന്ദുനേതാക്കള് കുറ്റപ്പെടുത്തി. മുസ്ലീം തീവ്രവാദികളുടെ പണം കൈപ്പറ്റി അവര്ക്ക് വേണ്ടിമാത്രം പണിയെടുക്കുന്ന ചില ഉദ്യോഗസ്ഥരാണ് ഇത്തരത്തില് പെരുമാറുന്നതെന്നും തീവ്രവാദ സ്വഭാവമുള്ളവര് നടത്തുന്ന വൃത്തികേടുകള്ക്ക് ഇവര് കാവല്നില്ക്കുന്നതായും നേതാക്കള് ആരോപിച്ചു. പെരുമ്പാവൂര് ശ്രീധര്മ്മ ശാസ്താ ക്ഷേത്ര മൈതാനത്ത് നിന്നും ആരംഭിച്ച പ്രതിഷേധ പ്രകടനം ഗവ. ആശുപത്രി, മാര്ക്കറ്റ്, യാത്ര നിവാസ്, ചുറ്റി ക്ഷേത്ര മുറ്റത്ത് സമാപിച്ചു.
ആര്എസ്എസ് വിഭാഗ് കാര്യവാഹക് കെ.പി.രമേഷ്, താലൂക്ക് കാര്യവാഹക് വിനോദ്, ഹിന്ദുഐക്യവേദി നേതാക്കളായ ഇ.ജി.മനോജ്, സജീവ് പി. മേനോന്, ഡി.ദിനേശ്, ബിജെപി നേതാക്കളായ കെ.ജി.പുരുഷോത്തമന്, എസ്.ജി.ബാബുകുമാര്, എച്ച്.ഗോപകുമാര് തുടങ്ങിയവര് പ്രതിഷേധ പ്രകടനത്തിന് നേതൃത്വം നല്കി.
