പെരുമ്പാവൂര്: മലപ്പുറം ജില്ലയിലെ 35 യത്തീംഖാനകള്ക്ക് എയ്ഡഡ് സ്കൂള് പദവി അനുവദിച്ച് നല്കിയ വിദ്യാഭ്യാസമന്ത്രി ഈ സ്ഥാനത്ത് തുടരാന് യോഗ്യനല്ലെന്നും മന്ത്രി അബ്ദുറബ്ബ് രാജിവയ്ക്കണമെന്നും കെപിഎംഎസ് എറണാകുളം ജില്ലാ വൈസ് പ്രസിഡന്റ് എം.എ.കൃഷ്ണന്കുട്ടി ആവശ്യപ്പെട്ടു. മുന്നോക്ക വിഭാഗങ്ങളിലെ പിന്നോക്കക്കാരെ അവഗണിക്കുന്ന മന്ത്രി മുസ്ലീം പ്രീണനം അവസാനിപ്പിക്കണമെന്നും ആവശ്യമുയര്ന്നു.
ഭാരതത്തിന്റെ ഭരണഘടനാ ശില്പ്പിയായ ഡോ. ബി.ആര്.അംബേദ്ക്കറുടെ ജനനസ്ഥലവും മരണതീയതിയും തെറ്റായി ഏഴാംക്ലാസിലെ പാഠപുസ്തകത്തില് അച്ചടിച്ചത് വിദ്യാഭ്യാസവകുപ്പിന്റെ പിടിപ്പുകേടാണ്. ഇതിനെല്ലാമെതിരെ ഉചിതമായ നടപടി സര്ക്കാരിന്റെ ഭാഗത്തുനിന്നുണ്ടായില്ലെങ്കില് ശക്തമായ സമരപരിപാടികള് ആവിഷ്കരിക്കുമെന്നും അദ്ദേഹം പറഞ്ഞു.
