കോതമംഗലം: മണല്‍മാഫിയ സംഘത്തെ തേടി നൈറ്റ്‌ പട്രോളിംഗിനിറങ്ങിയ എസ്‌ഐയേയും സംഘത്തെയും വാഹനമിടിച്ച്‌ കൊലപ്പെടുത്താന്‍ ശ്രമം.
ബുധനാഴ്ച രാത്രി 12 മണിയോടെ പാലമറ്റം കോതമംഗലം റോഡില്‍ പുന്നേക്കാട്‌ കവലയില്‍ വച്ചാണ്‌ സംഭവം. ഊന്നുകല്‍ എസ്‌ഐ സാം ജോസിന്റെ നേതൃത്വത്തിലുള്ള സംഘത്തെയാണ്‌ മിനിലോറി ഇടിച്ച്‌ കൊലപ്പെടുത്താന്‍ ശ്രമം നടത്തിയത്‌. കോതമംഗലം സിഐ കെ.പി.ജോസിന്റെ നിര്‍ദ്ദേശമനുസരിച്ചാണ്‌ എസ്‌ഐയും സംഘവും മണല്‍വെട്ടക്കിറങ്ങിയത്‌. മണല്‍ കയറ്റി വന്ന ലോറിക്ക്‌ കൈകാണിച്ച എസ്‌ഐയേയും സംഘത്തെയും ഇടിച്ചു വീഴ്‌ത്തി കൊലപ്പെടുത്താനായിരുന്നു മാഫിയസംഘത്തിന്റെ ശ്രമമെന്ന്‌ പോലീസ് പറഞ്ഞു. മണല്‍ ലോറി പോലീസ് പിടിച്ചെടുത്തിട്ടുണ്ട്‌. ഡ്രൈവറുള്‍പ്പടെ വാഹനത്തിലുണ്ടായിരുന്ന രണ്ടുപേര്‍ ഓടി രക്ഷപെട്ടതായി പോലീസ് പറഞ്ഞു.
പ്രതികരിക്കാൻ ഇവിടെ എഴുതുക: