കോതമംഗലം: അഞ്ച് വര്ഷം മുമ്പ് വനത്തില് നിന്നും കള്ളത്തടി കടത്തിയ സംഘത്തിലെ രണ്ടുപേര് കോതമംഗലത്ത് പിടിയിലായി. ചേലാട് സ്വദേശികളായ മിനിലോറി ഡ്രൈവര് സജി (36), താല്ക്കാലിക ഫോറസ്റ്റ് വാച്ചര് കുഞ്ഞ് (49) എന്നിവരാണ് പിടിയിലായത്.
പാസ് ഇല്ലാതെ തടി കടത്തുന്നതിനിടയില് സജിയെ കോതമംഗലം ഫോറസ്റ്റ് അധികൃതര് പിടികൂടുകയായിരുന്നു. ഇയാളെ ചോദ്യം ചെയ്തതില് നിന്നാണ് അഞ്ച് വഷം മുമ്പ് ചേലമലയില് നിന്നും ലക്ഷക്കണക്കിന് വിലവരുന്ന തടികടത്തിയ സംഘത്തില്പ്പെട്ടവരാണെന്നും ഇവരെക്കൂടാതെ ഫോറസ്റ്റ് ഉദ്യോഗസ്ഥരുള്പ്പെടെ 6 പേര് സംഭവത്തില് പ്രതികളാണെന്നും മനസ്സിലായത്.
കോടതിയില് ഹാജരാക്കിയ ഇവരെ റിമാന്ഡ് ചെയ്തു. കസ്റ്റഡിയില് വാങ്ങി സജിയെ ചോദ്യം ചെയ്തതില് നിന്നാണ് കുളമ്പേല് ജോയി എന്നയാളുടെ വീട്ടില് റെയ്ഡ് നടത്തി ലക്ഷക്കണക്കിന് രൂപയുടെ ഫര്ണീച്ചര് ഉപകരണങ്ങള് അധികൃതര് പിടിച്ചെടുത്തു.
