കൊച്ചി: കൊച്ചി വിമാനത്താവളത്തില്‍ നിര്‍മിച്ച എയ്റോ ലോഞ്ച് മുഖ്യമന്ത്രി പിണറായി വിജയന്‍ ഉദ്ഘാടനം ചെയ്തു. മറ്റ് സ്ഥാപനങ്ങള്‍ക്കാകെ സിയാലിനെ മാതൃകയാക്കാമെന്ന് മുഖ്യമന്ത്രി പിണറായി വിജയന്‍ പറഞ്ഞു. ഒരു വര്‍ഷം ഒരു കോടി യാത്രക്കാര്‍ സിയാലിനെ ഉപയോഗിക്കുന്നു. 3 വര്‍ഷത്തിനിടയില്‍ സിയാലില്‍ ഉദ്ഘാടനം ചെയ്യുന്ന അഞ്ചാമത്തെ പദ്ധതിയാണ് എയ്റോ ലോഞ്ച്. 10 മാസത്തിനുള്ളില്‍ 4 പദ്ധതികള്‍ പൂര്‍ത്തിയാക്കാന്‍ കഴിഞ്ഞെന്നും അദ്ദേഹം പറഞ്ഞു.
അരലക്ഷം ചതുരശ്രയടി വിസ്തീര്‍ണത്തില്‍ 37 റൂമുകള്‍, നാല് സ്യൂട്ടുകള്‍, മൂന്ന് ബോര്‍ഡ് റൂമുകള്‍, 2 കോണ്‍ഫറന്‍സ് ഹാളുകള്‍, കോ-വര്‍ക്കിങ് സ്‌പേസ്, ജിം, ലൈബ്രറി, റസ്റ്റോറന്റ് സ്പാ, പ്രത്യേകം കഫേ എന്നിവയെല്ലാം വിശാലമായ ഈ ലോഞ്ചിലുണ്ട്. ഭാരതത്തില്‍ തന്നെ ആദ്യമാണ് എയ്റോ ലോഞ്ച് 0484.
മന്ത്രി അഡ്വ. പി. രാജീവ് അധ്യക്ഷത വഹിച്ചു. മന്ത്രി കെ. രാജന്‍, പ്രതിപക്ഷ നേതാവ് വി.ഡി. സതീശന്‍, എംപി മാരായ ഹൈബി ഈഡന്‍, ബെന്നി ബെഹന്നാന്‍, സിയാല്‍ എംഡി സുഹാസ് എന്നിവര്‍ സംബന്ധിച്ചു.
പ്രതികരിക്കാൻ ഇവിടെ എഴുതുക: