കയ്പമംഗലം: മത്സ്യബന്ധനത്തിനിടെ വള്ളം മറിഞ്ഞ് മൂന്നു തൊഴിലാളികള്‍ക്കു പരിക്ക്. കൂരിക്കുഴി കമ്പനിക്കടവില്‍ ഞായറാഴ്ച രാവിലെ എട്ട് മണിയോടെയായിരുന്നു സംഭവം. കൂരിക്കുഴി സ്വദേശി തൈക്കാട് സുരേഷിന്റെ ഭാഗ്യമാല എന്ന വള്ളമാണ് അപകടത്തില്‍പ്പെട്ടത്.
മീന്‍പിടിക്കുന്നതിന് കരയില്‍ നിന്നു കടലിലേക്ക് വളളം ഇറക്കവെ ശക്തമായ തിരമാലയില്‍പ്പെട്ട് വള്ളം മറിയുകയായിരുന്നു. ഉടമ സുരേഷ്, വിബിന്‍, രാജേഷ് എന്നിവരാണു വള്ളത്തിലുണ്ടായിരുന്നത്. മൂന്നുപേരും സാഹസികമായി നീന്തി രക്ഷപ്പെടുകയായിരുന്നു.
മറിഞ്ഞ വള്ളം കരയ്‌ക്കടുപ്പിച്ചു. പരിക്കേറ്റവരെ ആശുപത്രിയില്‍ പ്രവേശിപ്പിച്ചു.
പ്രതികരിക്കാൻ ഇവിടെ എഴുതുക: