ബെംഗളൂരു: ഒന്നാം ഘട്ട പോളിംഗ് കഴിഞ്ഞപ്പോള്‍ തന്നെ ബിജെപി വലിയ ഭൂരിപക്ഷത്തോടെ ജയിക്കുമെന്ന് ഉറപ്പായെന്ന് അണ്ണാമലൈ. കേരളത്തില്‍ പര്യടനം നടത്തിയപ്പോള്‍ കണ്ടത് വിചിത്രമായ കാര്യമാണ്. പിണറായിയെ അറസ്റ്റ് ചെയ്യണമെന്ന് രാഹുല്‍ ഗാന്ധി പറയുന്നു, രാഹുലിനെ അറസ്റ്റ് ചെയ്യണമെന്ന് പിണറായി പറയുന്നു…ഇന്ത്യാമുന്നണി തകര്‍ന്നതിന്റെ സൂചനയാണിതെന്ന് അണ്ണാമലൈ പറഞ്ഞു.
പിണറായി വിജയന്‍ മോദിയെ വിമര്‍ശിക്കാറില്ലെന്നും പിണറായിയെ ഇഡി അറസ്റ്റ് ചെയ്യണമെന്നും ഉള്ള രാഹുല്‍ ഗാന്ധി നടത്തിയ പ്രസ്താവന കേരളത്തില്‍ പ്രചാരണത്തിനെത്തിയ വേളയില്‍ കേട്ടതിനെക്കുറിച്ച് മാധ്യമപ്രവര്‍ത്തകനോട് പ്രതികരിക്കുകയായിരുന്നു അണ്ണാമലൈ.
കര്‍ണ്ണാടകയില്‍ പ്രചാരണ പരിപാടിയില്‍ പങ്കെടുക്കുകയായിരുന്നു അണ്ണാമലൈ. ഇന്ത്യാമുന്നണിയ്‌ക്കുള്ളില്‍ തമ്മില്‍തല്ല് ഇന്ത്യ മുഴുവന്‍ നടക്കുകയാണ്. തെലുങ്കാന മുഖ്യമന്ത്രി രേവന്ത് റെഡ്ഡി സ്റ്റാലിനെതിരെ നടപടിയെടുക്കണമെന്ന് ആവശ്യപ്പെട്ടിരിക്കുന്നു. ഡിഎംകെയും കോണ്‍ഗ്രസും തമ്മില്‍ വഴക്കുണ്ട്. ബിജെപിയുടെ വിജയം സുനിശ്ചിതമായതോടെ ഇന്ത്യാമുന്നണി ചിതറിക്കഴിഞ്ഞു- അണ്ണാമലൈ പറഞ്ഞു.
ഇന്ത്യാമുന്നണി മണ്ണില്‍ നിന്നും പറന്നുയരാന്‍ ഒരു സാധ്യതയുമില്ല. അത് പരാജയപ്പെട്ടിരിക്കുന്നു. ഈ തമ്മില്‍ തല്ല് അതിന്റെ സൂചനകളാണ്. – അണ്ണാമലൈ പറഞ്ഞു.
പ്രതികരിക്കാൻ ഇവിടെ എഴുതുക: