ദർബംഗ: ജനങ്ങൾക്ക് നൽകിയ വാഗ്ദാനങ്ങൾ പാലിച്ചുകൊണ്ട് ഇന്ത്യൻ രാഷ്ട്രീയത്തിലെ വിശ്വാസ്യതയുടെ പ്രതിസന്ധി ബിജെപി അവസാനിപ്പിച്ചതായി പ്രതിരോധ മന്ത്രി രാജ്‌നാഥ് സിംഗ്. ബുധനാഴ്ച ദർബംഗയിൽ നടന്ന റാലിയെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം.
വരാനിരിക്കുന്ന ലോക്‌സഭാ തിരഞ്ഞെടുപ്പിൽ പാർട്ടിക്ക് പിന്തുണ അഭ്യർത്ഥിച്ച സിംഗ്, മോദി സർക്കാർ കർപ്പൂരി താക്കൂറിന് ഭാരതരത്‌ന നൽകിയതിനെക്കുറിച്ചും സംസാരിച്ചു. അദ്ദേഹത്തെ കോൺഗ്രസ് എപ്പോഴും അവഗണിച്ചിരുന്നെന്ന് സിംഗ് ആരോപിച്ചു.
“കോൺഗ്രസിന്റെ കാലത്ത് ഒരു കുടുംബത്തിന് മാത്രമാണ് എല്ലാ ബഹുമതികളും ലഭിച്ചത്. കോൺഗ്രസ് നേതാവായിരുന്ന പി. വി. നരസിംഹ റാവു ജിക്ക് നമ്മുടെ പ്രധാനമന്ത്രി ഭാരതരത്‌നയും നൽകി. അദ്ദേഹത്തിന്റെ സംഭാവനകളെ ഞങ്ങൾ ആദരിച്ചു,” – സിംഗ് പറഞ്ഞു.
പ്രതികരിക്കാൻ ഇവിടെ എഴുതുക: