മലപ്പുറം: സംവിധായകന്‍ ജിയോ ബേബിയെയും മന്ത്രി ആര്‍. ബിന്ദുവിനെയും അധിക്ഷേപിച്ച് മുസ്ലിം ലീഗ് സംസ്ഥാന സെക്രട്ടറി ഷാഫി ചാലിയം.
ജിയോ ബേബിയോട് മാപ്പ് പറയുന്നു എന്ന് ഉന്നത വിദ്യാഭ്യാസ മന്ത്രി ആര്‍.ബിന്ദു പറഞ്ഞെന്ന് ചൂണ്ടിക്കാട്ടിയാണ് ലീഗ് നേതാവിന്റെ പരിഹാസം.
ഒരു മനുഷ്യന് ഒരു ഇണ മതിയാകില്ല എന്ന് പറഞ്ഞ ആളെ ആണ് മന്ത്രി ബിന്ദു പിന്തുണക്കുന്നത്.അങ്ങനെയെങ്കില്‍ മന്ത്രി ബിന്ദു കോന്തന്‍ ഭര്‍ത്താവ് വിജയരാഘവനെ ഒഴിവാക്കണ്ടേയെന്ന ചോദ്യവും ഷാഫി ചാലിയം ഉന്നയിച്ചു.
എന്ത് കൊണ്ട് മന്ത്രി ആര്‍. ബിന്ദു വിവാഹമോചനം നേടുന്നില്ല. അലവലാതികളെ വച്ച് സ്വവര്‍ഗ രതിയെ പിന്തുണക്കുകയാണ്. ബിന്ദു നടത്തിയ പ്രസ്താവന അതീവ ഗൗരവകരമാണെന്നും ശക്തമായ പ്രതിഷേധം ഇതിനെതിരെ ഉയരണമെന്നും ഷാഫി ചാലിയം പറഞ്ഞു.
ബഹുഭാര്യത്വം പ്രോത്സാഹിപ്പിക്കുന്ന ജിയോ ബേബിയെ ഭ്രാന്താശുപത്രിയിലാക്കണം. ബഹുഭാര്യത്വത്തിന്റെ പേര് പറഞ്ഞ് ഇസ്ലാമിനെ അവഹേളിച്ചവര്‍ ജിയോ ബേബിയെ പിന്തുണയ്‌ക്കുകയാണെന്നും ഷാഫി ചാലിയം കുറ്റപ്പെടുത്തി.
പ്രതികരിക്കാൻ ഇവിടെ എഴുതുക: