കോഴിക്കോട് : മഞ്ചേശ്വരം മുന്‍ എംഎല്‍എയും മുസ്ലീം ലീഗ് നേതാവുമായ എം.സി കമറുദീനും ഫാഷന്‍ ഗോള്‍ഡ് എംഡി ടി.കെ. പൂക്കോയ തങ്ങളും എന്‍ഫോഴ്‌സ്മന്റ് ഡയറക്ടറേറ്റ് ( ഇഡി) കസ്റ്റഡിയില്‍. നിയമവിരുദ്ധ പണമിടപാട് നടത്തിയെന്ന കണ്ടെത്തിന്റെ അടിസ്ഥാനത്തിലാണ് നടപടി. രണ്ടുദിവസം മുമ്പാണ് ഇഡി ഇരുവരെയും കസ,്റ്റഡിയിലെടുത്തത്.
മലബാര്‍ ഫാഷന്‍ ഗോള്‍ഡ് ജുവല്ലറി ഇടപാടുമായി ബന്ധപ്പെട്ട് എം.സി. കമറുദീനും പൂക്കോയ തങ്ങള്‍ക്കുമെതിരായി കേരളത്തിലെ വിവിധ പൊലീസ് സ്‌റ്റേഷനുകളിലായി 210 കേസുകളാണ് നിലവിലുള്ളത്. ഈ കേസുകളില്‍ അന്വേഷണം പുരോഗമിക്കുകയാണ്. ഭൂരിഭാഗം കേസുകളിലും കുറ്റപത്രം സമര്‍പ്പിച്ചിട്ടുണ്ട്.
ഈ കേസുകളെ പിന്തുടര്‍ന്ന ഇഡി നടത്തിയ പരിശോധനയിലാണ് ഇരുവരും കള്ളപ്പണം വെളുപ്പിക്കുന്നതിന് വേണ്ടി ഇടപെട്ടിട്ടുണ്ട് എന്ന സൂചന ലഭിച്ചത്. ഇതാണ് ഇഡി ഇരുവരുടെയും അറസ്റ്റ് രേഖപ്പെടുത്താന്‍ കാരണം. ഏഴാം തീയതി അറസ്റ്റ് ചെയ്ത ഇരുവരെയും ഇന്നലെ കോഴിക്കോട് കോടതിയില്‍ ഹാജരാക്കി.
കേസില്‍ കൂടുതല്‍ ചോദ്യംചെയ്യലിനായി ഇഡി ഇവരെ രണ്ടുദിവസത്തേക്ക് കസ്റ്റഡിയില്‍ ആവശ്യപ്പെട്ടിരുന്നു. തുടര്‍ന്നാണ് കോടതി രണ്ടുപേരെയും ഇഡി കസ്റ്റഡിയില്‍ വിട്ടത്.
