മമ്മൂട്ടി കമ്പനി വീണ്ടുമെത്തുന്നു ,വമ്പൻ സർപ്രൈസിന്റെ വിവരം നാളെ രാവിലെ പുറത്തു വിടും.

2021 -ൽ ആണ് മമ്മൂട്ടി കമ്പനി പ്രൊഡക്ഷൻ ആരംഭിക്കുന്നത് .ചുരുങ്ങിയ കാലം കൊണ്ട് തന്നെ സിനിമാമേഖലയിൽ മുൻ നിരയിലേക്കെത്തിരിക്കുകയാണ് മമ്മൂട്ടി കമ്പനി .ഇപ്പോള്‍ മമ്മൂട്ടി കമ്പനിയുടെ പുതിയ അറിയിപ്പാണ് എത്തുന്നത് കമ്പനി നിര്‍മ്മിക്കുന്ന അഞ്ചാമത്തെ ചിത്രത്തിന്റെ പ്രഖ്യാപനം ഒക്ടോബര്‍ 24 രാവിലെ 8 മണിക്ക് ഉണ്ടാകും. മമ്മൂട്ടി തന്നെയാണ് തന്റെ സോഷ്യല്‍‌ മീഡിയ അക്കൗണ്ടിലൂടെ ഈ കാര്യം അറിയിച്ചത്. ചിത്രത്തിന്റെ മറ്റുവിവരങ്ങള്‍ ഒന്നും ലഭ്യമല്ല.

2022 -ൽ റോഷാക്,നൻപകൽ നേരത്തു മയക്കം ,അടുത്തിടെ ഇറങ്ങിയ കണ്ണൂർ സ്‌ക്വാഡ് ,റിലീസാകാനിരിക്കുന്ന കാതൽ എന്നീ ചിത്രങ്ങളാണ് മമ്മൂട്ടി കമ്പനി ഇതുവരെ നിർമ്മിച്ചിട്ടുള്ളത് . ഇതില്‍ കണ്ണൂര്‍ സ്ക്വാഡ് മമ്മൂട്ടിയുടെ കരിയറിലെ തന്നെ വലിയ ബോക്സോഫീസ് വിജയങ്ങളില്‍ ഒന്നാണ്.വിജയ് ചിത്രമായ ലിയോയുടെ റിലീസിനിടയിൽ ചിത്രം മികച്ച അഭിപ്രായങ്ങളുമായി മുന്നേറുകയാണ് . റിലീസ് ചെയ്ത് ഒരുമാസം ആകുന്നതിനു മുൻപ് തന്നെ ചിത്രം 75കോടി കടന്നു മുന്നേറുകയാണ്.