തിരുവനന്തപുരം : ഗോള്‍വള്‍ക്കറിനെ കുറിച്ചുള്ള വിവാദ പരാമര്‍ശം പിന്‍വലിക്കണമെന്നാവശ്യപ്പെട്ട് പ്രതിപക്ഷ നേതാവ് വി.ഡി. സതീശന് ആര്‍എസ്എസിന്റെ നോട്ടീസ്. സജി ചെറിയാന്‍ എംഎല്‍എയുടെ വിവാദ പരാമര്‍ശം ഗോള്‍വാള്‍ക്കറിന്റെ പുസ്തകത്തിലുണ്ടെന്ന പ്രതിപക്ഷ നേതാവിന്റെ പരാമര്‍ശത്തിന് എതിരെയാണ് നോട്ടീസ് അയച്ചിരിക്കുന്നത്.
ഗോള്‍വാള്‍ക്കറിന്റെ ബഞ്ച് ഓഫ് തോട്‌സ് എന്ന പുസ്‌കത്തില്‍ സജി ചെറിയാന്‍ പറഞ്ഞ അതേവാക്കുകള്‍ കൃത്യമായി പറഞ്ഞിട്ടുണ്ടെന്നായിരുന്നു വി.ഡി. സതീശന്റെ പ്രസ്താവന. എന്നാല്‍ ഗോള്‍വാള്‍ക്കറുടെ പുസ്തകത്തില്‍ സജി ചെറിയാന്‍ പറഞ്ഞ വാക്കുകളില്ല. പ്രതിപക്ഷ നേതാവിന്റെ പ്രസ്താവന പ്രകാരം ഇക്കാര്യം പുസ്തകത്തില്‍ എവിടെയാണ് പരാമര്‍ശിച്ചിട്ടുള്ളതെന്ന് വ്യക്തമാക്കണം.
ബഞ്ച് ഓഫ് തോട്‌സില്‍ ഇക്കാര്യം കണ്ടെത്താന്‍ സാധിച്ചില്ലെങ്കില്‍ വി.ഡി. സതീശന് നടത്തിയ പ്രസ്താവന പിന്‍വലിക്കണം. അല്ലാത്തപക്ഷം നിയമ നടപടികളുമായി മുന്നോട്ടു പോകുമെന്നും ആര്‍എസ്എസിന്റെ നോട്ടീസില്‍ പറയുന്നുണ്ട്.
പ്രതികരിക്കാൻ ഇവിടെ എഴുതുക: