പള്ളുരുത്തി: കുമ്പളങ്ങി കല്ലഞ്ചേരി റോഡില്‍ പൈപ്പിടാനായി കുഴിച്ച മൂന്നടി താഴ്‌ച്ചയുള്ള കുഴിയില്‍ ലോഡുമായി വന്ന ടിപ്പര്‍ ലോറി കുടുങ്ങി. കുഴിയുള്ള കാര്യം മുന്നറിയിപ്പു ബോര്‍ഡ് സ്ഥാപിക്കാതെ പൈപ്പ് സ്ഥാപിക്കാനെത്തിയ കരാറുകാരനും, ജോലിക്കാരും പോയതാണ് അപകടത്തിന് വഴിയൊരുക്കിയത്.
രാത്രി മണലുമായി വരികയായിരുന്ന ലോറി ഡ്രൈവര്‍ റോഡിലെ കുഴി കണ്ടില്ല. ഇതോടെ പിന്‍ഭാഗത്തെ ടയര്‍ കുഴിയിലേക്ക് ചാടുകയായിരുന്നു. ലോറി കുഴിയില്‍ പെട്ടതോടെ വലിയ വാഹനങ്ങള്‍ക്ക് റോഡിലൂടെ കടന്നുപോകാനാവാത്ത അവസ്ഥയായി. പിന്നീട് ക്രെയിന്‍ ഉപയോഗിച്ച് ലോറി പൊക്കി മാറ്റുകയായിരുന്നു.
പ്രതികരിക്കാൻ ഇവിടെ എഴുതുക: