കണ്ണൂര് : തെരുവുനായയുടെ കടിയേറ്റ അഞ്ച് വയസുളള കുട്ടിക്ക് പേവിഷബാധ. തമിഴ്നാട് സ്വദേശികളുടെ കുട്ടിയാണ് അതീവ ഗുരുതരാവസ്ഥയിലുള്ളത്. കുട്ടി പരിയാരം സര്ക്കാര് മെഡിക്കല് കോളേജിലെ വെന്റിലേറ്ററിലാണ്. മേയ് 31ന് പയ്യാമ്പലത്ത് വെച്ചാണ് കുട്ടിയെ തെരുവുനായ കടിച്ചത്.
കണ്ണിന് താഴെയാണ് കടിയേറ്റന്നതിനാല് വേഗത്തില് തലച്ചോറിനെ ബാധിച്ചെന്നാണ് ഡോക്ടര്മാര് പറയുന്നത്. വാക്സിന് ഫലം കണ്ടില്ല. വാക്സിന് എടുത്തുകൊണ്ടിരിക്കെയാണ് കുട്ടിയ്ക്ക് പേവിഷബാധ സ്ഥിരീകരിച്ചത്. രണ്ട് ദിവസം മുന്പ് കുട്ടിയുടെ ആരോഗ്യനില വഷളായതിന് പിന്നാലെ കണ്ണൂര് ജില്ലാ ആശുപത്രിയില് പ്രവേശിപ്പിച്ചു. ഇവിടെവെച്ചാണ് പരിശോധനയില് പേവിഷബാധ സ്ഥിരീകരിച്ചത്.
ആരോഗ്യനില മോശമായതിനെ തുടര്ന്നാണ് പരിയാരം മെഡിക്കല് കോളേജ് ആശുപത്രിയിലേക്ക് മാറ്റിയത്.
