വൈത്തിരി : ഒരുവര്‍ഷത്തിനുള്ളില്‍ കേരളത്തിലെ സര്‍ക്കാ ര്‍ ഹൈസ്‌കൂളുകളും ഹയര്‍സെക്കന്‍ഡറി ക്ലാസ്സുമുറികളും ഉയര്‍ന്ന സാങ്കേതിക വിദ്യയൊരുക്കി ഹൈടെക്കാക്കി മാറ്റുമെന്ന് വിദ്യാഭ്യസവകുപ്പ്മന്ത്രി പ്രൊഫ സി.രവീന്ദ്രനാഥ്. വൈത്തിരി ഗവ.ഹയര്‍സെക്കന്‍ഡറിയില്‍ എംഎസ്ഡിപി പദ്ധതിയില്‍ അനുവദിച്ച ക്ലാസ്സ്മുറികള്‍ ഉദ്ഘാടനം ചെയ്തു സംസാരിക്കുകായിരുന്നു അദ്ദേഹം. എട്ടുമുതല്‍ പന്ത്രണ്ട് വരെയുള്ള എല്ലാ ക്ലാസ്സ് മുറികളിലും കമ്പ്യൂട്ടര്‍ സ്ഥാപിക്കും. എല്‍.സി.ഡി സ്‌ക്രീന്‍, ഹൈസ്പീഡ് ഇന്റര്‍നെറ്റ് കണക്ഷന്‍, വിദ്യാഭ്യാസ പോര്‍ട്ടല്‍ എന്നിവയെല്ലാം ഇതോടനുബന്ധിച്ചുണ്ടാകുമെന്നും അദ്ദേഹം പറഞ്ഞു.
സി.കെ.ശശീന്ദ്രന്‍ എം.എല്‍.എ അദ്ധ്യക്ഷത വഹിച്ചു.
ജില്ലാ പഞ്ചായത്ത് പ്രസിഡന്റ് ടി.ഉഷാകുമാരി ശുദ്ധജല പദ്ധതി ഉദ്ഘാടനം ചെയ്തു. എസ്.എസ്.എ ഹാള്‍ കല്‍പ്പറ്റ ബ്ലോക്ക് പഞ്ചായത്ത് പ്രസിഡന്റ് ശകുന്തള ഷണ്‍മുഖന്‍ ഉദ്ഘാടനം ചെയ്തു. ക്ലാസ്സ് മുറികളുടെ നവീകരണം ജില്ലാ പഞ്ചായത്ത് വിദ്യാഭ്യാസ സ്റ്റാന്‍ഡിങ്ങ് കമ്മറ്റി ചെയര്‍പേഴ്‌സണ്‍ എ.ദേവകിയും കമ്പ്യൂട്ടര്‍ ഉദ്ഘാടനം ജില്ലാ പഞ്ചായത്തംഗം പി.എന്‍.വിമലയും നിര്‍വ്വഹിച്ചു.പ്രിന്‍സിപ്പാള്‍ കെ.കെ.വര്‍ഗ്ഗീസ് റിപ്പോര്‍ട്ട് അവതരിപ്പിച്ചു. വൈത്തിരി പഞ്ചായത്ത് പ്രസിഡന്റ് വി.ഉഷാകുമാരി, ബ്ലോക്ക് പഞ്ചായത്തംഗങ്ങളായ കെ.കെ.ഹനീഫ, ഉഷാതമ്പി, ജിന്‍സി സണ്ണി, എം.സെയ്ത്, ഉപവിദ്യാഭ്യാസ ഡയറക്ടര്‍ പി.പി.തങ്കം, ജില്ലാ വിദ്യാഭ്യാസ ഓഫീസര്‍ കെ.പ്രഭാകരന്‍ ,എസ്.എസ്.എ പ്രൊജക്ട് ഓഫീസര്‍ ജി.എന്‍.ബാബുരാജ്, യു.സി.ഗോപി, ഡോളിജോസ്, പി.അനില്‍കുമാര്‍ തുടങ്ങിയവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: