കൊച്ചി: ഫെഫ്ക ഡയറക്ടേഴ്‌സ് യൂണിയനെ തകര്‍ക്കാന്‍ സിനിമാ മേഖലയിലെ വനിതാ സംഘടനയായ വിമന്‍ ഇന്‍ സിനിമ കളക്ടീവ് (ഡബ്ലിയു സി സി) ശ്രമിക്കുന്നുവെന്ന് ഭാരവാഹികള്‍. മേക്കപ്പ് ആര്‍ട്ടിസ്റ്റുകള്‍ നടത്തിയ സമരത്തിന് പിന്നിലും ഡബ്ലിയു സി സി ആണെന്ന് ഫെഫ്ക പ്രസിഡണ്ട് സിബി മലയില്‍ കുറ്റപ്പെടുത്തി. ജനറല്‍ സെക്രട്ടറി ബി ഉണ്ണികൃഷണനു നേരെയുള്ള ആക്രമണത്തിനു പിന്നില്‍ ഡബ്ലിയു സി സി ലക്ഷ്യം വെക്കുന്നത് ഫെഫ്കയെ ആണെന്നും അദ്ദേഹം പറഞ്ഞു. വനിതാ നിര്‍മ്മാതാവ് സാന്ദ്ര തോമസുമായി ബന്ധപ്പെട്ട പ്രശ്‌നങ്ങളില്‍ പരിഹാരം കാണാനാണ് ഫിലിം എംപ്ലോയീസ് ഫെഡറേഷന്‍ ഓഫ് കേരളയുടെ ജനറല്‍ സെക്രട്ടറി എന്ന നിലയില്‍ ഉണ്ണികൃഷ്ണന് ശ്രമിച്ചത്. എന്നാല്‍ ഇത് തെറ്റായി വ്യാഖ്യാനിച്ചു. ഈ പ്രശ്‌നത്തില്‍ ബി ഉണ്ണികൃഷ്ണന് പൂര്‍ണ പിന്തുണ നല്‍കുന്നു. അതേസമയം അദ്ദേഹത്തിന് എതിരെയുള്ള കേസ് സ്വന്തം നിലയക്കാണ് അദ്ദേഹം നടത്തുകയെന്നും സിബി അറിയിച്ചു.
മലയാള സിനിമയില്‍ സജീവമല്ലാത്ത ഏതാനും വനിതാ താരങ്ങളാണ് ഡബ്ല്യുസിസിനില്‍ പ്രവര്‍ത്തിക്കുന്നത്. വിവിധ വിഷയങ്ങളില്‍ ഭാരവാഹിയുടെ പേര് വയ്‌ക്കാതെ സോഷ്യല്‍ മീഡിയ വഴി നടത്തുന്ന പ്രതികരണങ്ങള്‍ക്ക് വലിയ വാര്‍ത്താ പ്രാധാന്യം ലഭിക്കാറുണ്ട്.
