കൊച്ചി: കരിമണല് കമ്പനി സിഎംആര്എല്ലും പ്രതിപക്ഷ നേതാവ് പിണറായി വിജയന്റെ മകള് വീണയുടെ എക്സാലോജിക് കമ്പനിയുമായുളള സാമ്പത്തിക ഇടപാട് കേസില് ഇ ഡി വീണ്ടും ചോദ്യം ചെയ്യലിലേക്ക് കടക്കുന്നു.പി എ മുഹമ്മദ് റിയാസ് എംഎല്എയുടെ സുഹൃത്തുക്കളായ ഹസന് വാരിസ്, നന്ദുലാല്, നിഖില് അടക്കമുള്ളവര്ക്ക് നോട്ടീസ് നല്കി.
കേസുമായി ബന്ധപ്പെട്ട് രജിസ്റ്റര് ചെയ്ത ആദ്യ ഇസിഐആറിലാണ് നോട്ടീസ് നല്കിയത്. ഈ മാസം അവസാനം ഹാജരാകാനാണ് നിര്ദേശം. ഹൈക്കോടതി സ്റ്റേ ചെയ്തത് വിജിലന്സ് കേസിന്റെ നടപടികള് മാത്രമെന്നാണ് ഇഡി നിലപാട്.
നേരത്തെ ടി വീണയെ അടക്കം ചോദ്യം ചെയ്തിരുന്നു. കേസ് അന്വേഷണത്തിന്റ ഭാഗമായി നടത്തിയ പരിശോധനയില് വീണയുടെ വീട്ടില് നിന്ന് ഡയറി പിടിച്ചെടുത്തിരുന്നു. ഈ ഡയറിയില് ഹസന് വാരിസിന്റേത് അടക്കം പേരുകള് ഉണ്ടായിരുന്നു. പണം കൈമാറിയതിന്റെ വിവരങ്ങളും ഇതിലുണ്ടെന്നാണ് വിവരം.
കേസില് അന്വേഷണം തുടരാമെന്ന് ഇ ഡിക്ക് നിയമപദേശം ലഭിച്ചിരുന്നു. നേരത്തെ സര്ക്കാര് രജിസ്റ്റര് ചെയത് രണ്ട് എഫ്ഐആറുകള് ഹൈക്കോടതി സ്റ്റേ ചെയ്തിരുന്നു. പ്രതിപക്ഷ നേതാവ് പിണറായി വിജയന്, മുന്മന്ത്രി മുഹമ്മദ് റിയാസ്, ടി വീണ എന്നിവര്ക്കെതിരെയുള്ള വിജിലന്സ് അന്വേഷണത്തിന്ൃാണ് ഹൈക്കോടതി ഡിവിഷന് ബഞ്ച് സ്റ്റേ നല്കിയത്. എന്നാല് എഫ്ഐആര് റദ്ദ് ചെയ്യാത്ത പശ്ചാത്തലത്തില് ഇഡി രജിസ്റ്റര് ചെയ്ത ഇസിഐആറുമായി മുന്നോട്ടുപോകാമെന്നാണ് നിയമപദേശം.


















