കാസര്കോട്: പ്രമുഖ മാധ്യമപ്രവര്ത്തകനും യൂട്യൂബറുമായ രവീന്ദ്ര ജോഷി മൈസൂരു രചിച്ച കേന്ദ്ര ആഭ്യന്തരമന്ത്രി അമിത് ഷായെയും ഉത്തര്പ്രദേശ് മുഖ്യമന്ത്രി യോഗി ആദിത്യനാഥിനെയും കുറിച്ചുള്ള അമിത് ഷാ വിജയപഥം, യോഗി ആദിത്യനാഥ് അഗ്നിപഥം എന്നീ പുസ്തകങ്ങള് പ്രകാശനം ചെയ്തു. ഡോ. ശ്യാമപ്രസാദ് മുഖര്ജി മന്ദിരത്തില് നടന്ന ചടങ്ങില് ബിജെപി സംസ്ഥാന കമ്മിറ്റി അംഗവും മുതിര്ന്ന പൊതുപ്രവര്ത്തകയുമായ സവിത ടീച്ചര് പുസ്തകങ്ങള് പ്രകാശനം ചെയ്തു. ബിജെപി കാസര്കോട് ജില്ലാ പ്രസിഡന്റ് എം.എല്. അശ്വിനി പുസ്തകങ്ങള് ഏറ്റുവാങ്ങി.
ബിജെപി സംസ്ഥാന സമിതി അംഗങ്ങളായ വി. രവീന്ദ്രന്, സതീഷ് ചന്ദ്ര ഭണ്ഡാരി, സാംസ്കാരിക-ചലച്ചിത്ര മേഖലയിലെ പ്രമുഖ വ്യക്തി എസ്. ശ്രീനിവാസ് റാവു (കാസര്കോട് ചിന്ന) ഉള്പ്പെടെയുള്ള പ്രമുഖര് ചടങ്ങില് സംബന്ധിച്ചു.
