മുംബൈ: പത്ത് രൂപയുടെ ഐസ്ക്രീം വാരി വിതറി ഇന്ത്യയിലെ വേനല്ക്കാല വിപണി പിടിച്ചടക്കാൻ ഒരുങ്ങി മുകേഷ് അംബാനിയുടെ റിലയൻസ്. നേരത്തെ പത്ത് രൂപയുടെ കാമ്പ കോള ഇറക്കി പെപ്സിയെയും കൊക്കകോളയെയും വിറപ്പിച്ച റിലയന്സ് പുതിയ ഉല്പന്നവുമായി വീണ്ടും എത്തുകയാണ്. നേരത്തെ രജിസ്റ്റര് ചെയ്തിരുന്ന ബോംബെ ക്രീമറി എന്ന കമ്പനിയാണ് ഈ പത്ത് രൂപയുടെ ഐസ്ക്രീം പുറത്തിറക്കുന്നത്.
രാജ്യമൊട്ടാകെ കമ്പനി വ്യാപിപ്പിക്കുന്നതിന് മുൻപായി മുംബൈ, ഗുജറാത്ത് അടക്കമുള്ള പടിഞ്ഞാറൻ മേഖലകളിൽ ആദ്യം പരീക്ഷണത്തിന് ഇറങ്ങാനാണ് റിലയൻസിന്റെ നീക്കം. റിലയൻസിന്റെ വിശാലമായ വിതരണ ശൃംഖലയെ ഉപയോഗപ്പെടുത്തി വില കുറഞ്ഞ ഐസ്ക്രീമുകൾ രംഗത്തിറക്കി വിപണി പിടിക്കാനാണ് അംബാനിയുടെ നീക്കം. .റിലയൻസിന്റെ ഐസ്ക്രീം വിപണിയിലേക്കുള്ള പ്രവേശനം ഓഹരിവിപണിയിലെ ചലനമുണ്ടാക്കി. ഇതോടെ മറ്റൊരു ഐസ്ക്രീം കമ്പനിയായ ക്വാളിറ്റി വാൾസിന്റെ ഓഹരിവില 3 ശതമാനം ഇടിഞ്ഞു. .
