തിരുവനന്തപുരം : ഡാൻസ് പഠിക്കുന്ന കുട്ടികളുടെ തലയിൽ കൈ വച്ച് പ്രാർത്ഥിക്കുമ്പോൾ അരൂപികളുടെ സാന്നിധ്യമുണ്ടെന്ന കന്യാസ്ത്രീയുടെ പ്രസംഗം വിവാദം . അവർ ഏത് ഡാൻസ് ആരെ പ്രകീർത്തിക്കാനാണോ കളിച്ചത് അവരുടെ രൂപങ്ങളാണ് പരിശുദ്ധാത്മാവ് കാണിച്ചു തരുന്നതെന്നാണ് ഇവർ പ്രസംഗത്തിൽ പറയുന്നത് .
‘ ഡാൻസ് പഠിക്കുന്നത് നല്ലതാണ് . ഡാൻസ് പഠിക്കാൻ കുട്ടികളെ കൊണ്ട് ആക്കുന്ന സ്ഥലത്ത് ഏതാചാരപ്രകാരമാണ് ഡാൻസ് പഠിപ്പിക്കുന്നതെന്ന് നമുക്കറിയാം . അങ്ങനെയുള്ള കുട്ടികളുടെ തലയിൽ കൈ വച്ച് പ്രാർത്ഥിക്കുമ്പോൾ കാണിച്ചു തരുന്നത് അവർ ഏത് ഡാൻസ് ആരെ പ്രകീർത്തിക്കാനാണോ കളിച്ചത് അവരുടെ രൂപങ്ങളാണ് പരിശുദ്ധാത്മാവ് കാണിച്ചു തരുന്നത്.
ഇവർ പഠിച്ചിട്ടൊന്നും തലയിൽ കയറുന്നില്ല . അങ്ങനെയാണ് പ്രയർ സെന്ററിൽ കൊണ്ടുവരുന്നത് . മെയിൻ പരീക്ഷാ സമയത്ത് തല കറങ്ങി വീഴുകയാണ് .അപ്പോ പരിശുദ്ധാത്മാവ് കാണിച്ചു തരുന്ന കാരണങ്ങളാണിത് . നമ്മൾ അറിയാതെ മക്കളുടെ കഴിവ് വളർത്താൻ നോക്കുമ്പോ ഉണ്ടാകുന്ന പരിണിതഫലമാണിത് . ഡാൻസ് പഠിക്കുന്നത് വഴി അവർക്ക് കിട്ടുന്ന അരൂപികളുടെ സാന്നിധ്യം വ്യത്യസ്തമാണ് . അത് തിരിച്ചറിഞ്ഞ് ഈശോയോട് പ്രാർത്ഥിക്കണം . അല്ലെങ്കിൽ അവരുടെ ഭാവി നല്ല രീതിയിൽ ആകാതെ നിൽക്കുന്നത് നമ്മൾ കാണേണ്ടി വരും .‘
