ഏച്ചൂർ : പിണറായിയെ വലിക്കേണ്ട മൂക്കൊന്നും ഇ.ഡി.ക്ക് ഇല്ലെന്ന് സി.പി.എം. സംസ്ഥാന സെക്രട്ടേറിയറ്റംഗം എം. സ്വരാജ്. സി.പി.എം. അഞ്ചരക്കണ്ടി ഏരിയാ കമ്മിറ്റി ഏച്ചൂരിൽ സംഘടിപ്പിച്ച സീതാറാം യെച്ചൂരി അനുസ്മരണം ഉദ്ഘാടനം ചെയ്യുകയായിരുന്നു അദ്ദേഹം.
വിശ്വാസ്യത സമ്പൂര്ണ്ണമായും നഷ്ടപ്പെട്ട ഏജന്സിയാണ് ഇ ഡി . പിണറായിയെ മൂക്കില് വലിച്ച് കയറ്റും എന്നാണ് പറയുന്നത്. എന്നാല് പിണറായിയെ വലിക്കാന് മാത്രം വലിപ്പമുള്ള മൂക്ക് ഇഡി ക്ക് ഇല്ലെന്നും സ്വരാജ് പറഞ്ഞു.
ഇ.ഡി.യുടെ വിരട്ടലൊന്നും നടക്കാൻ പോകുന്നില്ല. നാലുമാസത്തെ യു.ഡി.എഫ്. സർക്കാരിന്റെ ഭരണത്തിൽ ജനങ്ങൾ കടുത്ത അതൃപ്തിയിലാണ്. മാറ്റത്തിനുവേണ്ടി മുൻപ് അഭിപ്രായം പറഞ്ഞ കവിപോലും നിലവിലെ യു.ഡി.എഫ്. ഭരണം ലജ്ജാകരമാണെന്നാണ് തുറന്നുപറഞ്ഞത്. കേരളത്തിൽ ബി.ജെ.പി.ക്കുവേണ്ടി ഭരിക്കുന്ന യു.ഡി.എഫ്. സർക്കാരാണ് നിലവിലുള്ളതെന്നും ഈ വലതുപക്ഷ വർഗീയസഖ്യം സംസ്ഥാനത്തിന്റെ മതനിരപേക്ഷതയെ തകർക്കുകയാണെന്നും അദ്ദേഹം ആരോപിച്ചു.
